Foto: Maqsat Shaǵyrbaev/ Kazinform
Almatyda 6 shilde kúni Abai alańynda estrada juldyzdary, tanymal dombyrashylar jáne dástúrli ánshiler óner kórsetedi.
Merekelik baǵdarlama aiasynda Roza Rymbaeva, Aigúl Úlkenbaeva, Aigúl Qosanova, Ramazan Stamǵaziev, Meirambek Besbaev, dombyrashy-virtýoz Asylbek Eńsepov, Móldir Áýelbekova óner kórsetedi.
Sonymen qatar kontsertke «Qońyr», «Ulytau» toby men «Sazgen sazy» folklorly-etnografiialyq ansambli, «Alataý» dástúrli óner teatrynyń artisteri qatysady.
Qala turǵyndary men qonaqtaryna 17:00 men 21:00 aralyǵynda el súiip tyńdaityn kúiler men termeler, halyq ánderi men elimizdiń bai rýhani murasyn dáripteitin shyǵarmalar usynylady.
Bul kontsert ulttyq mýzyka men dástúrli ónerge degen tereń qurmettiń aiqyn kórinisine ainalmaq. Kirý tegin.
Aita keteiik, Ulttyq dombyra kúni jyl saiyn shildeniń alǵashqy jeksenbisinde atalyp ótedi.
Osyǵan deiin dombyra kúni el kóleminde 300-ge jýyq is-shara uiymdastyrylatyny týraly jazǵanbyz.
