QR Memlekettik qyzmet isteri jáne sybailas jemqorlyqqa qarsy is-qimyl agenttigi Ulttyq biýrony ońtailandyrýdyń nátijesin jariialady, dep xabarlaidy QazAqparat tilshisi.
Agenttik tóraǵasynyń orynbasary Oljas Bektenovtiń aitýynsha, osy ýaqytqa deiin Sybailas jemqorlyqqa qarsy is-qimyl ulttyq biýrosynda 250-ge jýyq basshylyq qyzmeti qysqartyldy. Budan bólek, artyq qurylymdar ońtailandyryldy. Sonyń esebinen shuǵyl tergeý qyzmeti kúsheitildi.
«Buryn Ulttyq biýroda basshylar men qyzmetkerlerdiń ara qatynasy 1:2, iaǵni bir bastyqtyń qol astynda eki adam bolsa, qazir atalǵan kórsetkish damyǵan memleketterdiń deńgeii - 1:8-ge jetti. Sosyn quqyq qorǵaýshylardy ashyq konkýrs negizinde jumysqa qabyldaityn boldy. Jalpy, Ulttyq biýro boiynsha shamamen 1 milliard teńge únemdeldi. Osynyń nátijesinde qyzmetkerlerdiń jalaqysy 2 eseden artyq ósti. Ol jerde prezidenttik ósimaqy da bar. Oǵan taǵy únemdelgen qarjynyń ústemaqysy qosylady. Búginde Sybailas jemqorlyqqa qarsy is-qimyl ulttyq biýrosy eń joǵary jalaqy alatyn quqyq qorǵaý organy bolyp sanalady», - dedi O.Bektenov memlekettik qyzmettiń jańa formatyn qalyptastyrýǵa arnalǵan paneldik sessiiada.
Aita keteiik, Astanada «Nur Otan» partiiasynyń kezekti sezi qarsańynda san alýan taqyryptarǵa arnalǵan paneldik sessiialar ótip jatyr. Máselen, QR Prezidenti janyndaǵy Memlekettik basqarý akademiiasynda memlekettik apparattyń jańa formatyn qalyptastyrý jáne memlekettik qyzmetterdi avtomatizatsiialaý máseleleri talqylanýda. Qatysýshylar partiianyń 2030 jylǵa deiingi jańa baǵdarlamasyn talqyǵa salmaqshy. Atalǵan qujat erteń, 27 aqpanda Memleket basshysynyń tóraǵalyǵymen ótetin «Nur Otan» pantiiasynyń XVIII sezinde tanystyrylady.
