QR Ulttyq bankiniń tsifrlyq valiýtaǵa qatysty zertteýi kópshiliktiń talqylaýyna usynyldy, dep habarlaidy "Ult aqparat" QR Ulttyq bankiniń baspasóz qyzmetine silteme jasap.
Ulttyq tsifrlyq valiýta – bul Qazaqstan Respýblikasynyń Ulttyq bankiniń tsifrlyq nysanda usynylǵan mindettemesi bolyp tabylatyn aqsha qarajatynyń perspektivaly nysany.
Tsifrlyq teńge - zańdy tólem quraly, qun ólshemi jáne jinaq quraly. Platformany júzege asyrý úshin qarjy naryǵynyń qatysýshylar tólem servisteri qyzmetin kórsetip, Ulttyq bank infraqurylymyn qamtamasyz etetin eki deńgeili arhitektýra qarastyrylýda.
Tsifrlyq teńgeni shyǵarý boiynsha sheshim qabyldaý úshin eń aldymen tsifrlyq valiýta sheshetin mindetterdi anyqtai otyryp, onyń paidasy men ziianyn, aqsha-kredit saiasatyna áserin, qarjy turaqtylyǵyn jáne tólem ekojúiesin, ony shyǵarý jáne taratý ádisin, qoldanylatyn tehnologiiasyn jan-jaqty zertteý qajet.
Qazaqstan Respýblikasynyń Ulttyq Banki bul jumysty qarjy naryǵynyń qatysýshylarymen, sarapshylar qoǵamdastyǵymen jáne halyqaralyq áriptestermen birlesip júrgizýdi josparlap otyr.
2021 jylǵy mamyrda Qazaqstan Respýblikasy Ulttyq Bankiniń zertteý baiandamasy kópshilik talqylaýǵa jariialandy.
