Qazaqstan Respýblikasy Ulttyq banki bazalyq mólsherlemeni +/-1,0 p.t. paiyzdyq dálizimen jyldyq 9,00% deńgeiinde saqtaý týraly sheshim qabyldady. Bul týraly banktiń baspasóz qyzmeti habarlady.
Tiisinshe ótimdilikti usyný jónindegi turaqty qoljetimdi operatsiialar boiynsha mólsherleme 10,00% jáne ótimdilikti alý jónindegi turaqty qoljetimdi operatsiialar boiynsha mólsherleme 8,00%bolady.
Sheshim azyq-túlik naryqtaryndaǵy saqtalyp otyrǵan teńgerimsizdikterge, syrtqy sektordaǵy joǵary belgisizdikke, sondai-aq infliatsiianyń jyldamdaý táýekelderiniń bolýyna bailanysty ekonomikadaǵy basym proinfliatsiialyq qysymǵa negizdelgen. Halyqtyń infliatsiialyq kútýleri turaqtalmaǵan jáne joǵary deńgeide qalyp otyr.
Sonymen qatar tutynýshylyq suranys tarapynan dezinfliatsiialyq áserdiń birtindep álsireýi kútilýde, bul epidemiologiialyq ahýaldyń jaqsarýy jaǵdaiynda ekonomikalyq belsendiliktiń qalpyna kelýine bailanysty bolady.
