Qazaqstan Respýblikasynyń Ulttyq Banki "Este qalatyn oqiǵalar men birtýar adamdar" monetalar seriiasynan Astananyń 20 jyldyǵyna arnalǵan "Astana 20 jyl" kollektsiialyq monetalaryn ainalysqa shyǵarady, - dep habarlaidy "Ult aqparat".
"Astana 20 jyl" monetalarynyń nominaly 5000 jáne 500 teńgelik, kúmisten jáne nominaly 100 teńgelik, melhior qospasynan. Kúmisten jáne melhior qospasynan jasalǵan monetalardyń bet jáne syrt jaqtaryndaǵy beineler birdei.
Monetalardyń bet jaǵynda (aversinde) Qazaqstan Respýblikasynyń eltańbasy beinelengen. Kollektsiialyq monetalar nominaly 5000 teńge, 500 teńge, 100 teńge.
Monetalardyń syrt jaǵynda (reversinde) Astananyń áigili ǵimarattarynan kollaj ornalastyrylǵan. Joǵary bóliginde "ASTANA" degen jazba jáne aspannyń stildendirilgen beinesi (kúmis monetalarda golografiialyq beine) bar. Tómengi bóliginde ulttyq oiý-órnektiń beinesimen (kúmis monetalarda golografiialyq beine) toltyrylǵan "20" degen sannyń stildendirilgen beinelenýi, "Jyl" degen jazba jáne Qazaqstan Respýblikasynyń astanasy qurylǵan jyldy jáne moneta soǵylǵan jyldy bildiretin "1998-2018" degen jazba ornalasqan.
Monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túrleri boiynsha, sondai-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankterinde shekteýsiz usaqtalady jáne aiyrbastalady.
Monetalar kollektsiialyq quny boiynsha satýǵa arnalǵan.
"Proof" sapasymen jasalǵan kúmis monetalar kádesyilyq oraýmen shyǵarylady jáne Qazaqstan Respýblikasy Ulttyq Bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan.
"Brilliant uncirculated" sapaly melhior qospasynan jasalǵan monetalar satý úshin arnaiy poligrafiialyq oraýǵa salynǵan.
