Ulttyq bank «Qazaqstan úshin úlken baiestik vektorlyq avtoregressiialyq model qurý» ekonomikalyq zertteýin jariialady. Osyǵan bailanysty banktiń aqsha-kredit saiasaty departamenti direktorynyń orynbasary Denis Cherniavskii túsinikteme berdi, dep habarlaidy "Ult aqparat".
Onyń aitýynsha, jumystyń maqsaty – Qazaqstannyń makroekonomikalyq kórsetkishterin boljaýda baies vektorlyq avtoregressiondy modelderin (BVAR-modelderin) qoldaný tiimdiligin baǵalaý. Baǵalanatyn BVAR- modeliniń ońtaily parametrlerin izdeý test úlgisindegi boljamdardyń dáldigi negizinde júrgizildi. Nátijesinde qarapaiym balamalarymen salystyrǵanda Qazaqstan úshin osy modelderdi qoldanýdyń oryndylyǵyn empirikalyq rastaý boldy.
Zertteý jumysynda modelderdi qaita qurýǵa múmkindik beretin jáne makroekonomikalyq kórsetkishterdi taldaý jáne boljaý boiynsha odan ári pikirtalasty yntalandyratyn bastapqy kod bar.
«Zertteý júrgizý – aqsha-kredit saiasaty boiynsha sheshimder qabyldaý kezinde taldaý quraldardy kúsheitýge arnalǵan infliatsiialyq targetteý saiasatynyń ajyramas bóligi. Zertteýlerdiń jariialanýy aqparattyq asimmetriiany tómendete otyryp, Ulttyq banktiń ashyqtyǵy men aiqyndyǵana da yqpal etedi»,- Ulttyq bank ókili Denis Cherniavskii.
