QR Ulttyq banki Qazaqstannyń áleýmettik-ekonomikalyq damý qarqyny týraly boljamyn ózgertti, dep habarlaidy QazAqparat.
«Jańartylǵan bazalyq stsenarii boiynsha Qazaqstannyń JIÓ-niń kútiletin ósýi 2021 jyldyń sońyna qarai 3,7-4,0% deńgeiinde saqtalady. Negizgi salym ishki suranys pen eksport tarapynan kútiledi. Úi sharýashylyqtaryn tutyný halyqtyń ósip kele jatqan kirisi jáne tutynýshylyq kreditterdi berýdiń Turǵyn úi qurylysyna salynǵan investitsiialar ekonomikanyń ósýine qosymsha áser etedi. Bul rette ishki suranystyń ósýi aiasynda import JIÓ-niń barynsha jyldam ósýin tejeidi. OPEK+ munaidy táýlik boiy óndirý jónindegi shekteýlerdiń birtindep álsireýi, sondai-aq áriptes elderdegi ekonomikalyq belsendiliktiń ósýi eksportty qalpyna keltire bastady. Tek memlekettiń eńbekaqy tóleýge jáne taýarlar men kórsetiletin qyzmetterdi satyp alýǵa arnalǵan shyǵystarynyń baiaýlaýy memlekettik basqarý organdarynyń tutyný qarqynyn tómendetedi», - dep jazylǵan ministrliktiń málimetinde.
Ulttyq bank keler jyly jalpy ishki ónimniń ósimi buǵan deiingi boljamnan tómen bolý múmkin ekenin joqqa shyǵarmaidy.
«2022 jyly JIÓ-niń ósý qarqyny shamaly tómendeý jaǵyna qaita qaralyp, 3,9-4,2% deńgeiinde bolady dep kútilýde. Qaita qaraý Qazaqstannyń saýda boiynsha áriptes elderinde ekonomikalyq belsendiliktiń qalypty ósýine, jahandyq jáne jergilikti jetkizý tizbekterindegi irkilisterdiń Qazaqstan ekonomikasyna barynsha teris áserine bailanysty.
Aldyńǵy boljamdy raýndpen salystyrǵanda shyǵarylym alshaqtyǵynyń baǵyty tómendeý jaǵyna qarai qaita qaraldy. Bul jiyntyq suranys komponentteriniń ósýi boiynsha neǵurlym tómen baǵalarǵa jáne jalpy ekonomikalyq belsendilikke bailanysty. Orta merzimdi kezeńde shyǵarylymnyń alshaqtyǵy nólge jaqyn belgilerde bolady», - dep jazady Ulttyq bank sarapshylary.
