Qazaqstan Respýblikasynyń Ulttyq banki valiýta naryǵyndaǵy qazirgi jaǵdaiǵa túsinik berdi, dep habarlaidy "Ult aqparat".
«Jahandyq qorlar men valiýta naryqtarynda jaǵdai qiyndap barady. SOVID-19 koronavirýsynyń taraýy men OPEK-ke múshe elderdiń munai óndirisin qysqartý týraly kelisimge kele almaýy álemdik ekonomikanyń baiaýlaý sharttaryn kúsheitip tur. 2020 jyldyń 6 naýryzynda munai baǵasy barreline 50 AQSh dollarynan 35 AQSh dollaryna, iaǵni 30 paiyzǵa deiin tómendedi. Damyp kele jatqan naryqtardyń, onyń ishinde Qazaqstannyń saýda seriktesteriniń valiýtalary álsirep barady», - dep habarlama taratty Ulttyq bank Facebook paraqshasy arqyly.
Syrtqy jaǵdailardy eskere otyryp, Ulttyq bank 2020 jyldyń 10 naýryzynda valiýta naryǵyndaǵy jaǵdaidy turaqtandyrý úshin valiýtalyq interventsiia júrgizgen.
«Tuńǵshy ret «Qazaqstan qor birjasy» AQ valiýtalyq saýdasynda frankfýrt aýktsiony ádisi iske qosyldy. Atalmysh quraldy negizsiz qubylmalylyqtyń aldyn alý úshin birja Ulttyq bankpen birge ázirlegen edi», - dep habarlaidy Qazaqstan Ulttyq bankinen.
Ulttyq bank jaǵdaidyń turaqsyzdanýyna jol bermei, valiýta naryǵynda jiti monitoring júrgizip otyrǵanyn jetkizdi.
«Qajettilik týyndaǵan jaǵdaida valiýtalyq interventsiialar qalpyna keltiriledi. Ashyqtyq saiasaty aiasynda Ulttyq banktiń barlyq operatsiiasy jariialy málimdemeler arqyly halyqqa jetkiziledi», - dep habarlaidy Ulttyq bankten.
