Prezident Qasym-Jomart Toqaev Ulttyq bank tóraǵasy Ǵalymjan Pirmatovty qabyldady, - dep habarlaidy "Ult aqparat" Aqordanyń resmi saityna silteme jasap.
Memleket basshysyna infliatsiiany boldyrmaý jónindegi aqsha-kredit saiasatynyń iske asyrylý barysy, sondai-aq syrtqy jáne ishki sektorlardaǵy negizgi táýekel-qaterlerdi eskere otyryp, baǵanyń ósýin turaqtandyrýǵa baǵyttalǵan Ulttyq banktiń jospary jóninde baiandaldy.
Prezidentke valiýta jáne aqsha naryqtaryndaǵy ahýal, eldiń altynvaliýta rezervteriniń jai-kúii, sondai-aq byltyrǵy tólem teńgerimin aldyn ala baǵalaý týraly esep berildi.
Ǵalymjan Pirmatov Ulttyq banktiń negizgi mandaty sanalatyn qarjy jáne baǵa turaqtylyǵyn qamtamasyz etýge baǵyttalǵan aqsha-kredit saiasatynyń tiimdiligin odan ary arttyrý jónindegi paiymy men josparyn usyndy.
Prezident Ulttyq banktiń 2022 jylǵa arnalǵan josparymen tanysqannan keiin birqatar naqty tapsyrma berdi.
