QR Ulttyq bankiniń tóraǵasy Erbolat Dosaev Úkimet otyrysynda bazalyq mólsherleme nege 9,5%-ǵa kóterilgenin túsindirdi, dep habarlaidy QazAqparat.
«Halyqtyń tabysy men tutynýynyń ósýi infliatsiiaǵa qarsy qysymnyń qosymsha kózi bolyp otyr. Suranystyń qalpyna kelýin ekinshi toqsanda halyqtyń naqty tabysynyń 1,5% ósýi qaita jandandyrdy. Ekinshi toqsanda naqty mánde qyzmetkerler jalaqysynyń 10,4%-ke jedeldeýi aiasynda úi sharýashylyqtaryn tutyný kólemi ósip keledi. Osylaisha, infliatsiianyń ósý serpini men faktorlary, ekonomikanyń qalpyna kelý qarqyny jáne sáikesinshe suranys tarapynan kúsheiip kele jatqan infliatsiiaǵa qarsy qysymdy eskere otyryp, Ulttyq bank 13 qyrkúiekte bazalyq mólsherlemeni 9,5%-ke deiin 0,25 protsenttik tarmaqqa kóterdi», - dedi Erbolat Dosaev.
Sondai-aq, Ulttyq bank basshysy eldegi infliatsiia turaqty sipat alyp bara jatqanyn aitty.
«Qazaqstanda infliatsiianyń ósýi barynsha turaqty sipat alyp otyr. Biylǵy sáýir men tamyz aralyǵynda jyldyq infliatsiia 7,0%-ten 8,7%-ke deiin jyldamdady. Baǵanyń ai saiynǵy ósimi 2008 jyldan beri alǵash ret tamyzda eń joǵary boldy. Maýsymdyq tazartylǵan bazalyq infliatsiia, iaǵni kókónister men jemister, turǵyn úi-kommýnaldyq sharýashylyǵynyń qyzmetteri men energiia resýrstary baǵasynyń ósýin esepke almaǵandaǵy infliatsiia tarihi ortasha mánderden 25%-ke joǵary boldy jáne ornyqty infliatsiialyq protsesterdiń qalyptasýyn kórsete otyryp, 0,75% boldy», - dedi Ulttyq bank tóraǵasy.
