QR Ulttyq banki 2021 jylǵy 26 aqpan men 5 naýryz aralyǵynda jekelegen damýshy elderdiń valiýtalary boiynsha sholýdy jariialady, dep habarlaidy "Ult aqparat".
Saýda-sattyqtyń qorytyndysy boiynsha 5 naýryzda teńgeniń naryqtyq baǵamy apta ishinde 0,6%-ǵa (417,02-den) álsirep, bir AQSh dollary úshin 419,66 teńge deńgeiinde qalyptasty.
«Syrtqy valiýta naryǵynda 2021 jylǵy 26 aqpan – 5 naýryz aralyǵyndaǵy kezeńde damýshy elder valiýtalarynyń kópshiliginiń serpini teris boldy. AQSh qazynashylyq obligatsiialary kiristiliginiń ósýi jáne AQSh dollary baǵamynyń jahandyq nyǵaiýy AQSh FRJ basshysynyń túsiniktemeleri aiasynda jalǵasty. Djerom Paýell yntalandyrýshy aqsha-kredit saiasatyn ustanatynyn rastady, biraq kiristiliktiń ósýine alańdaýshylyq tanytpady. AQSh Senaty $1,9 trln mólsherinde yntalandyrý paketin maquldady. Aqpanda AQSh-taǵy eńbek naryǵy týraly esep taldaýshylardyń kútkeninen asyp tústi: qurylǵan jumys oryndarynyń sany 379 myń boldy, jumyssyzdyq deńgeii 6,2%-dy qurady», - delingen UB málimetinde.
Damýshy elder valiýtalarynyń AQSh dollaryna qatysty baǵamdarynyń serpini tómendegidei qalyptasty:
- Úndi rýpiiasy qor naryǵyna kapitaldyń ákelinýi aiasynda 0,6%-ǵa (73,47-den 73,03-ke deiin) nyǵaidy;
- Resei rýbli munai baǵasynyń ósýi aiasynda 0,3%-ǵa (74,57-den 74,34-ke deiin) nyǵaidy;
- Indonezia rýpiiasy AQSh qazynashylyq obligatsiialary kiristiliginiń ulǵaiýy jáne borysh naryǵynan kapitaldyń áketilýi aiasynda 0,5%-ǵa (14 235-ten 14 300-ge deiin) álsiredi;
- Túrik lirasy aqpanda infliatsiianyń 15,6%-ǵa j/j deiin qarqyn alǵany týraly derekter aiasynda mólsherlemeni arttyrý sharalaryna qaramastan 1,3%-ǵa (7,43-ten 7,53-ke deiin) álsiredi;
- Braziliia realy naqty turaqtylyqqa (Senat 7,8 mlrd dollar kólemindegi áleýmettik kómek toptamasyn maquldady), AQSh MBQ kiristiliginiń ósýine jáne 2021 jyly ekonomikalyq ósýdiń báseńdegeni týraly belgilerge bailanysty qaýiptený aiasynda 1,4%-ǵa (5,6-dan 5,68-ge deiin) álsiredi;
- Ońtústik Afrika randy borysh naryǵynan kapitaldyń áketilýi aiasynda 1,6%-ǵa (15,12-den 15,36-ǵa deiin) álsiredi;
- Meksika pesosy AQSh dollary baǵamynyń nyǵaiýy jáne investorlardyń elektr energetikasyna memlekettik baqylaýdy kúsheitýdi kózdeitin daýly zań jobasyna qatysty qaýiptenýi aiasynda 2,2%-ǵa (20,86-dan 21,31-ge deiin) álsiredi.
