Valiýta naryǵyndaǵy teńge baǵamy 2018 jyldyń basynan 30 qazan aralyǵynda bir AQSh dollary úshin 368,55 teńgege deiin 10,9%-ǵa álsiredi. Qazaqstan Ulttyq bankiniń tóraǵasy Daniiar Aqyshev osylai dedi.
Ulttyq bank tóraǵasynyń aitýynsha, teńgeniń álsireýi syrtqy faktorlarǵa bailanysty boldy. Bul AQSh dollarynyń damýshy elderdiń valiýtalaryna qatysty nyǵaiýy jáne Reseige qarsy sanktsiialardyń bolashaqta qatańdatylatyny týraly málimdemeler.
«Atalǵan baǵamdyq saiasat altynvaliýta rezervterin saqtaýǵa múmkindik beredi. Qazaqstan Ulttyq bankiniń altynvaliýta rezervteri qyrkúiektiń sońynda 30 mlrd AQSh dollaryn, Ulttyq qordyń aktivteri 56,3 mlrd AQSh dollaryn qurady. Jalpy halyqaralyq rezervter 86,3 mlrd AQSh dollaryn qurady», - dedi Daniiar Aqyshev.
Sonymen qatar, tóraǵa Qazaqstan Ulttyq banki 2019 jyly qarjy turaqtylyǵyn qamtamasyz etý boiynsha jumysty jalǵastyratynyn aitty.
Buǵan deiin Aqyshev Ulttyq bank infliatsiiany 4-6% dálizde ustap turýǵa tyrysatynyn aitqan bolatyn.
