Ulttyq bank tóraǵasynyń orynbasary Áliia Moldabekova jaqyn arada ulttyq valiýtaǵa áser etýi múmkin faktorlar jáne delta-shtamynyń yqpaly týraly pikir bildirdi, dep habarlaidy "Ult aqparat".
«Koronavirýstyń delta shtamynyń taralýy negizgi táýekel faktory bolyp otyr jáne ekonomikalyq ósý qarqyny boiynsha boljamdardy qaita baǵalaýǵa ákelýi múmkin. Qazirdiń ózinde biz koronavirýstyń «delta tolqyny» aiasynda qarjy naryqtarynyń túzetilýin baiqap otyrmyz. Birinshi kezekte, bul damýshy naryqtarǵa qatysty. Biylǵy 27 shildede HVQ álemdik IJÓ boljamyn qaita qarap, ony 2021 jyly 6% deńgeiinde saqtap qaldy. Biraq osy qaita qaraý aiasynda damyǵan elderde ósý 5,6%-ǵa deiin 0,5 p.t. artyp, damýshy elder boiynsha boljam 6,3%-ǵa deiin 0,4 p.t. tómendedi. Burynǵydai, teńge kómirsýtekter naryǵynyń jáne damýshy elderdiń aktivterine qatysty jalpy sentimenttiń yqpalynda bolady», - dedi Moldabekova.
Onyń aitýynsha, munai naryǵy biylǵy sáýirden shildege deiingi baǵa belgileýlerdiń 20%-ǵa jýyq ósýinen keiin týrbýlenttilikti bastan keshýde. AQSh-taǵy kommertsiialyq munai qorynyń 2020 jylǵy qańtardaǵy deńgeige deiin tómendeýine qaramastan, delta shtamynyń taralýy munaidyń budan bylaiǵy ósýine kedergi keltirýde.
«Basqa valiýtalarǵa qatysty teńge boiynsha mólsherlemelerdiń oń differentsialy ishki valiýta naryǵy úshin teńgerimdeýshi faktor bolyp sanalady. Ulttyq banktiń jýyrdaǵy bazalyq mólsherlemeni arttyrý týraly sheshimi halyqaralyq investorlar úshin teńgedegi aktivterdiń tartymdylyǵyn qoldaidy, olardyń aǵyny jyl basynan beri 392 mlrd teńgeni qurady», - dedi ol.
Onyń paiymynsha, biylǵy 11 tamyzda Moody's halyqaralyq reitingtik agenttiginiń Qazaqstannyń táýelsiz kredittik reitingin «Vaa3» deńgeiinen turaqty boljammen «Vaa2» deńgeiine deiin arttyrýy ishki valiýta naryǵy úshin mańyzdy oń oqiǵa bolyp otyr.
