Foto Depositphotos
Ulttyq bank dollar baǵamy boiynsha taǵy bir málimdeme jasady, - dep habarlaidy Massaget.kz tilshisi.
Qarashanyń qorytyndysy boiynsha teńge baǵamy 5 paiyzǵa álsirep, 1 AQSh dollaryna shaqqanda 512,52 teńgege deiin bardy. Qazaqstan qor birjasyndaǵy saýda-sattyqtyń ortasha kúndik kólemi bir aida 278 millionnan 262 million AQSh dollaryna deiin tómendedi. Saýda-sattyqtyń jalpy kólemi - 5,5 mlrd AQSh dollary.
"Respýblikalyq biýdjetke transfertterdi qamtamasyz etý úshin qarashada Ulttyq qordan 1 260 mln AQSh dollaryna valiýta satyldy. Ulttyq qordan satý úlesi - jalpy saýda-sattyq kóleminiń 23 paiyzy jáne kúnine 60 million AQSh dollarynan aspaityn mólsherge jetti. Ulttyq bank Ulttyq qordyń qarajatymen operatsiialar júrgizý kezinde naryqtyń beitarap qaǵidatyn saqtaidy. Bul shetel valiýtasyn udaiy jáne birkelki satýdy bildiredi", - dep jazylǵan habarlamada.
Úkimettiń aldyn ala boljamdy ótinimderi boiynsha respýblikalyq biýdjetke transfert bólýge 2024 jylǵy jeltoqsanda Ulttyq bank Ulttyq qordan 800 mln-nan 900 mln AQSh dollaryna deiingi mólsherde valiýta satylady dep kútedi.
"BJZQ valiýtalyq aktivteriniń úlesi osyǵan deiingi josparǵa sáikes shamamen 40% ekenin eskere otyryp, Ulttyq Bank qarashada zeinetaqy aktivteriniń investitsiialyq portfeline AQSh dollaryn satyp alǵan joq. Jeltoqsanda da valiýta satyp alý josparlanbaidy.
Valiýta naryǵynda tepe-teńdikti arttyrý úshin 2024 jylǵy 19 qarashada Qazaqstan Respýblikasy Úkimetiniń qaýlysyna sáikes kvazimemlekettik sektor sýbektilerindegi valiýtalyq túsimniń 50%-yn mindetti túrde satýy týraly norma qaita kúshine endi. Kvazimemlekettik sektor kompaniialary valiýta naryǵynda ekinshi deńgeili bankter arqyly derbes satady", - dep jazylǵan habarlamada.
Ulttyq Bank shildede Úkimettiń Ulttyq qorǵa «Qazatomónerkásip» AQ-nyń aktsiialaryn satyp alý týraly sheshimin iske asyrý aiasynda Ulttyq qordaǵy valiýtalyq aktivterdiń bir bóligin satý arqyly Ulttyq Banktiń altyn-valiýta rezervterine konvertatsiialady. Naryqtyq beitaraptyqty saqtaý úshin jáne osy operatsiiany valiýta naryǵyna shyǵarý úshin Ulttyq Bank shildeniń ortasynan bastap satyp alynǵan kólemdi birkelki satýǵa kiristi.
Qarashada atalǵan operatsiia aiasynda Ulttyq Banktiń altyn-valiýta rezervterinen satý kólemi 133,8 mln AQSh dollaryn qurady. Osylaisha, qarashada «Qazatomónerkásip» AQ-nyń aktsiialaryn satyp alý boiynsha mámileni shyǵarý aiasynda valiýta satý aiaqtaldy.
Ishki valiýta naryǵynda ekonomikalyq agentter tarapynan shetel valiýtasyna suranys artqany, sonyń ishinde aiyrbas baǵamynyń psihologiialyq deńgeiin eńserý aiasynda usynystyń da shektelgeni baiqaldy.
Birqatar irgeli faktorlar nasharlaǵandyqtan, turaqsyzdandyratyn aýytqýlardy boldyrmaý úshin, teńgeniń aiyrbastaý baǵamynyń shamadan tys qubylmalylyǵyn rettep, shetel valiýtasynyń usynysyn qamtamasyz etý úshin 15–28 qarasha aralyǵynda Ulttyq Bank valiýtalyq interventsiia júrgizdi. Aidyń qorytyndysy boiynsha valiýta satý kólemi 1 047 mln AQSh dollaryn qurady.
Ulttyq Bank transparenttilik qaǵidaty aiasynda valiýta naryǵynda júrgiziletin barlyq operatsiia týraly aqparatty tolyq ashyp kórsetýdi jalǵastyrady. Qysqamerzimdi perspektivada teńgeniń dinamikasy naryqqa qatysýshylardyń kútýlerine, toqsandyq salyq tólemderine, álemdik naryqtardaǵy ahýalǵa jáne geosaiasi jaǵdaidyń ózgerýine bailanysty bolady. Ulttyq Bank teńgerimsizdiktiń jinaqtalýyn boldyrmaityn jáne altyn-valiýta rezervteriniń saqtalýyn qamtamasyz etetin ikemdi baǵam belgileý rejimin ustana beredi.
Eske salaiyq, buǵan deiin Ulttyq bank dollar baǵamyna qatysty málimdeme jasap, jaǵdaidy túsindirgen edi.
Ulttyq bank málimetinshe, birqatar faktor áserinen teńgeniń aiyrbas baǵamy AQSh dollaryna shaqqanda 500 teńgege jetken.
Búgin Ulttyq bank bazalyq mólsherlemeni +/- 1 paiyzdyq tarmaqpen jyldyq 15,25 paiyz dep belgileý týraly sheshim qabyldady. Sheshim jańartylǵan boljamdar men infliatsiia balansyn eskere otyryp qabyldanǵan.
Anyqtama: bazalyq mólsherleme - kommertsiialyq bankterge Ulttyq bank qysqamerzimdi nesieler beretin jáne kommertsiialyq bankterden depozitter qabyldaityn paiyzdyq mólsherleme. Ol azamattarǵa beriletin nesieler boiynsha mólsherlemelerdi belgileýde mańyzdy ról atqarady, eldegi infliatsiia deńgeiine de áser etedi. Qarapaiym tilmen aitqanda, bazalyq mólsherleme - el ekonomikasy men bank sektory úshin negizgi baǵyt. Onyń mólsherin Ulttyq bank belgileidi: arttyrýy nemese tómendetýi múmkin. Sonymen qatar bazalyq mólsherleme - eldiń aqsha-nesie saiasatynyń negizgi quraly.
