Ulttyq bank Nazarbaev beinelengen tiyn shyǵardy, - dep habarlaidy Tengrinews.kz.
Qazaqstan Ulttyq banki quramdas bóliginde altyn komponenti bar kúmisten jasalǵan nominaly 1000 teńgelik "Este qalatyn oqiǵalar men birtýar adamdar" seriiasynan "QAZAQSTANNYŃ ASTANASY – NUR-SULTAN" kollektsiialyq monetalaryn shyǵarady.
"Nominaly 1 000 teńgelik, jalpy massasy 62,2 gramm, 925/1000 synamaly kúmisten, massasy 46,2 gramm, quramdas bóligi 999/1000 synamaly altynnan, massasy 16 gramm, "proof" daiyndaý sapasymen, diametri 50 milimetr monetalar 1 000 dana taralymmen daiyndalǵan", - delingen Ulttyq bank habarlamasynda.
Monetalar kádesyi oramynda shyǵarylady jáne memlekettik tilde, orys, aǵylshyn tilderinde Qazaqstan Ulttyq bankiniń nómirlik sapa sertifikatymen jabdyqtalǵan. Kollektsiialyq monetalar Qazaqstan teńge saraiynda daiyndaldy.
"Monetalar tólemniń barlyq túri boiynsha Qazaqstan Respýblikasynyń búkil aýmaǵynda qabyldanýǵa, sondai-aq Qazaqstan Respýblikasynyń barlyq bankinde bank shottaryna esepke alynýǵa, aýdarylýǵa, usaqtalýǵa jáne aiyrbastalýǵa mindetti", - delingen habarlamada.
Monetalar satylymǵa shyǵatyn kúnge qatysty aqparat Ulttyq banktiń resmi saitynda qosymsha jariialanady.
