Ulttyq bank tóraǵasynyń orynbasary Aqyljan Baimaǵambetov 2021-2023 jyldarǵa arnalǵan makroekonomikalyq saiasat sharalaryn úilestirý týraly aitty, dep habarlaidy QazAqparat.
Onyń aitýynsha, makroekonomikalyq saiasat boiynsha sharalardy úilestirý týraly Kelisim Ulttyq bankpen alǵash ret 2019 jyly turaqty jáne teńgerimdi ekonomikalyq ósýdi Úkimetpen birlesip qamtamasyz etý maqsatynda qolǵa alynǵan.
Kelisim 2020 jyly buryn-sońdy bolmaǵan jahandyq daǵdarys jaǵdaiynda óz jumysyn jalǵastyrdy, biraq Úkimet pen Ulttyq banktiń negizgi kúshteri koronavirýs pandemiiasynyń saldarymen kúresýge baǵyttaldy. Ýaqytynda qabyldanǵan úilesimdi sharalar ekonomikanyń tereń quldyraýyn boldyrmaýǵa, infliatsiiany tejeýge jáne halyq pen biznesti bir ýaqytta qoldaýǵa múmkindik berdi.
Biyl Ulttyq bank Úkimetpen birge kelisimdi jańartyp, josparlaý kókjiegin 3 jylǵa deiin keńeitti jáne úshinshi tarap retinde Qarjy naryǵyn retteý jáne damytý agenttigin qosty.
«Kelisimniń negizgi maqsaty ózgerissiz qaldy, bul – halyqtyń ál-aýqatyn jáne ómir súrý deńgeiin arttyrý, árine, bunyń ekonomikany qalpyna keltirý kezeńinde mańyzy zor edi. Osy maqsatta tiimdi makroekonomikalyq saiasatty, onyń ishinde biýdjettik, aqsha-kredittik, qarjylyq jáne basqa da saiasat máselelerin iske asyrý úshin qajetti birlesken is-sharalar belgili boldy. Kelisimniń barlyq taraptary kelisilgen saiasatty júrgizý boiynsha ózara mindettemelerin bekitedi. Birlesken kúsh-jiger makroekonomikalyq turaqtylyqty qamtamasyz etýge, ekonomikany qoldaýǵa jáne onyń ózgergen syrtqy jáne ishki jaǵdailaryna beiimdeýge baǵyttalatyn bolady»,-deidi Aqyljan Baimaǵambetov.
Birlesken is-sharalar úsh baǵytta júzege asyrylady – makroekonomikalyq turaqtylyqty arttyrý, qarjy sektoryn jáne onyń infraqurylymyn damytý, sondai-aq uzaq merzimdi ekonomikalyq ósýdiń áleýetin kúsheitý.
Ulttyq bank óz kezeginde infliatsiiany targetteý rejimi men teńgeniń ózgermeli aiyrbas baǵamy aiasynda turaqty ekonomikalyq ósýge yqpal ete otyryp, infliatsiiany ret-retimen tómendetip, ony tómen deńgeide ustap turýǵa nietti.
«Úkimetpen birge naryqtyq ótimdilikti ekonomika qajettilikteri úshin tiimdi paidalaný jáne kiristiń qisyq syzyǵyn qurý úshin memlekettik baǵaly qaǵazdar naryǵyn damytý boiynsha sharalar qabyldanady. Bul damýshy elderdiń halyqaralyq indeksterine qazaqstandyq memlekettik baǵaly qaǵazdardy qosýǵa múmkindik beredi, investor tartýǵa, qarjy naryǵyn damytýǵa jáne ekonomikanyń turaqtanýyna, biýdjet tapshylyǵyn qarjylandyrý kózderin ártaraptandyrýǵa kómektesedi»,- deidi Ulttyq bank tóraǵasynyń orynbasary.
Sonymen qatar, ol ekonomikanyń syrtqy kúizelisterge beiimdiligin arttyryp, infliatsiianyń turaqty tómendeýine jaǵdai jasaý úshin Úkimet pen Ulttyq bank 2022 jyldan bastap biýdjettik tártipti arttyrýǵa jáne taýarǵa degen táýeldiligin tómendetýge múmkindik beretin jańa biýdjettik ereje engizetinin atap ótti.
«Sonymen birge, Ulttyq Bank halyq pen biznes úshin tranzaktsiialyq shyǵyndardy azaityp, qarjylyq qyzmetterdiń qol jetimdiligin arttyryp, básekelestikti keńeitý úshin ulttyq tólem júiesin qurý isin jalǵastyrady. Iaǵni, 2022 jyldan bastap áleýmettik ámiiandy engizip, ony odan ári ulttyq taýar taratý júiesimen integratsiialaý josparlanyp otyr»,-deidi spiker.
Ulttyq bank tóraǵasynyń orynbasary Aqyljan Baimaǵambetovtyń sózinshe, ekonomikanyń jańa qurylymyn qalyptastyrý boiynsha júrgizip jatqan Úkimet jumysy tiimdi aqsha-kredit saiasatyn júzege asyrý úshin óte mańyzdy.
«Sol úshin agroónerkásiptik keshenniń, indýstriialandyrýdyń áleýetin ashý arqyly ekonomikany ártaraptandyrý boiynsha sharalar qabyldanady, bul biznesti qoldaýdyń janama quraldaryna kóshýdi eskere otyryp, tólem balansynyń turaqtylyǵyn qamtamasyz etýde syrtqy saýda saiasatyn júrgizedi. Kelisimdi iske asyrýdy úilestirý aralyq indikatorlar men jaýapty oryndaýshylardy anyqtaityn Jol kartasy arqyly júzege asyrylady»,- dep atap ótti Ulttyq bank ókili.
Qabyldanǵan sharalardy jáne ekonomikalyq saiasattyń basymdyqtaryn jańartýdy júieli túrde baqylaý jáne talqylaý nátijeleri boiynsha Kelisim jyl saiyn jyljymaly negizde 3 jyldyq merzimge bekitiletin bolady.
