Qazaqstanda taýarlar eksporty bir jylda 32,2 paiyzǵa ulǵaidy, - dep habarlaidy "Ult aqparat" QR Ulttyq bankiniń baspasóz qyzmetine silteme jasap.
Baspasóz qyzmetiniń habarlaýynsha, elimizdegi taýarlar eksporty bir jylda 32,2 paiyzǵa nemese 12,0 milliard AQSh dollaryna ulǵaiyp, 49,3 milliard dollarǵa jetti. Munai jáne gaz kondensatynyń eksporty baǵalardyń, sol siiaqty naqty jetkizý kóleminiń ósýi, onyń ishinde "Qashaǵan" ken ornynda óndirýdiń bastalýyna bailanysty ósýi esebinen 37,8 paiyzǵa ósti. Qara jáne tústi metaldar eksporty tiisinshe 51,6 jáne 27,1 paiyzǵa ósken.
"Eksporttyq kiristerdiń ósýi sheteldik tikelei investorlar kiristeriniń 2017 jyly 15,7 milliard AQSh dollaryna deiin 36,3 paiyzǵa ósýine yqpal etti, bul kiristerdiń úshten kóp bóligi qazaqstandyq enshiles kásiporyndardy qarjylandyrýǵa baǵyttaldy", - deidi banktiń mamandary.
Sonymen qatar, elimizde taýarlar importy bir jylda 13,1 paiyzǵa ulǵaiyp, 31,8 milliard dollar boldy.
