Qazaqstan Ulttyq banki nominaly 100 teńgelik JAMBYL. 175 JYL kollektsiialyq monetasyn ainalymǵa shyǵarady, dep habarlaidy "Ult aqparat".
Monetalardyń qai kúni satylymǵa túsetini týraly qosymsha aqparat QUB resmi saitynda jariialanady.
2021 jyly aqyn Jambyl Jabaevtyń týǵanyna 175 jyl toldy. Onyń shyǵarmashylyǵy halyq poeziiasy tarihynda erekshe oryn alady.
Monetanyń aversinde ortalyq bóliginde Qazaqstan Respýblikasynyń eltańbasy beinelengen.
Eltańbanyń sol jáne oń jaǵynda ulttyq oiý-órnek elementteri ornalasqan. Jieginde ainaldyra – QAZAQSTAN ULTTYQ BANKI • NATIONAL BANK OF KAZAKHSTAN dep jazylǵan.
Tómengi jaǵynda monetanyń nominalyn bildiretin «100 TEŃGE» jazýy bar.
Monetanyń reversinde Jambyl Jabaevtyń portrettik beinesi, ortalyǵynda – «Artyqsha týǵan azamat» óleńiniń birneshe joly ornalastyrylǵan.
Oń jaǵynda oiý-órnek úzindilerinen jasalǵan dombyra kontýrynyń aishyqty beinesi men mereitoi datasyn bildiretin «175 JYL» jazýy ornalasqan.
Monetany ainaldyra JAMBYL jáne QAZAQ HALYQ AQYNY jazýlary, al tómengi jaǵynda daiyndalǵan jylyn bildiretin «2021» jazýy bar.
JAMBYL. 175 JYL kollektsiialyq monetalary MN 25 melhior qospasynan, nominaly 100 teńgelik, massasy 15 gramm, diametri 33 mm, daiyndaý sapasy brilliant uncirculated, taralymy 15 000 dana bolyp daiyndaldy.
Monetalar kollektsiialyq quny boiynsha satýǵa arnalǵan.
Olar Qazaqstan Respýblikasynyń búkil aýmaǵynda ózderiniń belgilengen qunymen tólemderdiń barlyq túri boiynsha qabyldanýǵa, sondai-aq bank shottaryna esepke alynýǵa, Qazaqstannyń barlyq bankterinde aýdarýǵa, usaqtalýǵa jáne aiyrbastalýǵa jatady.
Kollektsiialyq monetalar Qazaqstan teńge saraiynda daiyndaldy.
