QR Ulttyq banki Aqsha-kredit saiasaty departamentiniń direktory Jandos Shaimardanovtyń 2021 jyldyń qyrkúiek aiyndaǵy iskerlik belsendilik indeksi týraly túsindirmesin jariialady, dep habarlaidy QazAqparat.
Uttyq bank mamandarynyń baǵalaýy boiynsha, eldegi iskerlik belsendiliktiń indeksi qyrkúiek aiynda sál tómendegen. Tamyz aiynda atalmysh indeks 50,2 bolsa, qyrkúiekte 49,8 bolyp otyr.
«Buǵan qurylys sektorynda kórsetkishterdiń tamyzdaǵy 51,9-ten 49,3-ke, qyzmet kórsetý sektorynda 50,7-den 49,1-ge deiin tómendeýi áser etti. Qurylys sektoryndaǵy indekstiń nasharlaýyna iskerlik belsendilik pen jumyspen qamtýdyń, al qyzmet kórsetý salasynda – jańa tapsyrystar men jumyspen qamtýdyń báseńdeý, sondai-aq jetkizý merzimderiniń ulǵaiýy sebep boldy», - dep jazady Ulttyq banktiń departament direktory.
Sarapshynyń aitýyna qaraǵanda, ónerkásip salasynda jańa tapsyrystar men jumyspen qamtý deńgeii kóterilip, sonyń sebeinen iskerlik belsendilik indeksi tamyzdaǵy 49,1-den 50,9-ǵa deiin jaqsarǵan.
Aimaqtar arasynda qyrkúiekte 10 óńirde iskerlik belsendiliktiń jaqsarsa, 7 óńirde nasharlaǵan. Neǵurlym joǵary deńgei Túrkistan (54,9) men Shyǵys Qazaqstan (53,8) oblystarynda, eń tómen deńgeii – Qyzylorda oblysynda (40,2) baiqalyp otyr.
«Qyrkúiek aiynda respondentter elde biznes júrgizý isiniń nasharlaǵanyn atap ótti. Qazirgi biznes-jaǵdailardy baǵalaý boiynsha jaýaptar teńgerimi «-1» shamasynda belgilendi. Al tamyzda «+1,7» bolǵan. Barlyq sektorlardaǵy kásiporyndar ónimge/qyzmetke suranys bar ekenin atady. Kommýnikatsiialar men kreditterge qoljetimdilikti oń baǵalandy. Al salyq júktemesi men biznesti qorǵaý máseleleri tamyzdaǵy siiaqty teris baǵalandy», - deidi Jandos Shaimardanov.
