QR Ulttyq banki 2018 jylǵy 16 shildeden bastap bankterdiń ipotekalyq qaryz boiynsha bank shotyn júrgizgeni úshin komissiia alýyna tyiym saldy, dep habarlaidy QazAqparat tilshisi. Bul týraly QR Ulttyq bankiniń Feisbýktegi paraqshasynda jariialandy.
Bul komissiialar tizbesin ońtailandyrý úshin jáne qaryz alý jáne oǵan qyzmet kórsetý kezinde qaryz alýshylardyń shyǵystaryn qysqartý sheńberinde jasalyp otyr.
Ulttyq Banktiń bastamasy boiynsha 2018 jylǵy 16 shildeden bastap Bankter týraly zańǵa ipotekalyq qaryz berýge jáne oǵan qyzmet kórsetýge bailanysty bank shotyn júrgizgeni úshin bankterdiń komissiialar belgileýine jáne alýyna tyiym saldy.
Sondai-aq Zańnyń normasy qoldanysqa engizilgennen keiin 2018 jyldyń 16 shildesinen keiin jeke tulǵalarmen jasasqan ipotekalyq qaryz sharttary boiynsha bank shotyna qaryzdy esepke alýǵa tyiym salý engizildi.
«Osyndai norma qazirgi kezde QR Parlamenti Májilisiniń qaraýyndaǵy «Qazaqstan Respýblikasynyń keibir zańnamalyq aktilerine menshik quqyǵyn qorǵaýdy kúsheitý jáne tórelik máseleleri boiynsha ózgerister men tolyqtyrýlar engizý týraly» Zań jobasynda qamtylǵan.
Kásipkerlik qyzmetpen bailanysty emes barlyq jeke tulǵalarǵa qatysty qaryz berýge jáne oǵan qyzmet kórsetýge bailanysty bank shotyn júrgizgeni úshin bankter komissiia almaidy», - dedi Ulttyq bankten.
Ulttyq Bank 2016 jylǵy 30 mamyrda jyldyq tiimdi syiaqy mólsherlemesin esepteý kezinde eskeriletin, jeke tulǵaǵa berilgen banktik qaryz jáne mikrokredit berýge jáne olarǵa qyzmet kórsetýge bailanysty komissiialar men ózge de tólemderdiń tizbesin bekitken bolatyn.
Komissiialar tizbesi bankter óndirip alatyn komissiialar sanyn aitarlyqtai qysqartýǵa jáne olardy ataýlary men maǵynalyq mánderi boiynsha biregeilendirýge múmkindik berdi.
Atalǵan tizbek 2016 jyldyń 1 shildesinen bastap qoldanysqa engizilgen bolatyn.
Bul rette, jeke tulǵalarmen 2016 jylǵy 1 shildege deiin jasalǵan banktik qaryz sharttary boiynsha bankter, Bankter týraly zańnyń 39-babyna sáikes, banktik qaryz shartynda kórsetilgen jáne Operatsiialar júrgizýdiń jalpy talaptary týraly qaǵidalarda belgilengen komissiialardy alýǵa quqyly.
