QR Ulttyq banki 2021 jyldyń 18 maýsym men 25 maýsym aralyǵyndaǵy jekelegen damýshy elderdiń valiýtalaryna sholýdy usyndy, dep habarlaidy "Ult aqparat".
25 maýsymdaǵy saýda-sattyq qorytyndysy boiynsha teńgeniń naryqtyq baǵamy AQSh dollary úshin 426,94 teńge bolyp qalyptasty. Osylaisha, bir aptada 0,02% (427,82-den) nyǵaidy.
2021 jyldyń 18-25 maýsymy aralyǵynda syrtqy valiýtalyq naryqta damýshy elderdiń valiýtalary jan-jaqty dinamikadaǵy sipatta boldy.
AQSh Prezidenti D.Baiden ekonomikanyń infraqurylymyn modernizatsiialaý jóninde 579 mlrd dollarǵa teń mámile boiynsha Kongreste aldyn ala kelisimge qol jetkeni týraly jariia etti. AQSh FRJ tóraǵasy infliatsiia boljamnan asyp túskenin, alaida, aldaǵy ýaqytta azaiatynyn málim etti.
Angliia banki bolsa aqsha-nesie saiasatynyń parametrlerin ózgerissiz (0,1%) qaldyra otyryp, infliatsiianyń jedeldeýine qaramastan jýyrda osy saiasatty qataitý protsesi bastalady degen boljamdardy joqqa shyǵardy. Jańa shtamnyń saldarynan Covid-19 juqtyrǵandardyń sany artyp, bul álemde taǵy da shekteý sharalary enedi degen qaýip tóndirip otyr.
Damýshy elderdiń valiýta baǵamdarynyń qarqyny AQSh dollaryna qatysty tómendegidei qalyptasty:
• meksikalyq peso negizgi stavka 4,25% deiin ósken soń (25 b.p.) jáne bolashaqta taǵy ósedi degen boljamǵa bailanysty 4,1% nyǵaidy (20,66-dan 19,82-ge deiin);
• braziliialyq real OB-tiń 2021 jyly ekonomika 4,6% deiin ósedi degen boljamǵa (3,6% - burynǵy boljam) bailanysty 3,1%-ǵa nyǵaidy (5,09-dan 4,93-ke deiin);
• ońtústikafrikalyq rand AQSh-ta infraqurylymdyq josparǵa qatysty mámile aldyn ala kelisildi degen aqparattyń shyǵýyna bailanysty 1,4%-ǵa nyǵaidy (14,35-ten 14,15-ke deiin);
• Resei rýbli eksporterlerge salyq tóleitin kez sharyqtaý shegine jetken soń, 1,2%-ǵa nyǵaidy (72,93-ten 72,06-ǵa deiin);
• Túrik lirasy 0,3% álsiredi (8,74-ten 8,77-ge deiin);
• Úndi rýpiiasy 0,4% álsiredi (73,86-dan 74,19-ǵa deiin). Munai kotirovkalarynyń ósimi Úndi eliniń ulttyq valiýtasyna qysym kórsetýde.
