Ulttyq bank tóraǵasynyń orynbasary Aqyljan Baimaǵambetov bazalyq mólsherleme deńgeiin ustap turýdyń sebepterin aitty, dep habarlaidy QazAqparat.
Onyń aitýynsha, qazir ekonomikada infliatsiialyq faktorlardyń áseri basym. Syrtqy infliatsiialyq qysym álemdik saýda baǵalarynyń ósýine jáne Qazaqstannyń saýda seriktes elderindegi infliatsiianyń jedeldeýine bailanysty. Ishki sektorda infliatsiianyń jedeldeýine janar-jaǵarmai materialdary baǵasynyń ósýi jáne energiia óndirýshi uiymdardyń tarifteriniń ósýi áser etedi.
«Osyǵan bailanysty infliatsiialyq boljamdar infliatsiialyq kútýlerdiń turaqsyzdyǵy jaǵdaiynda ekinshi infliatsiialyq áser etý yqtimaldyǵyn arttyrady, infliatsiianyń tómendeýin baiaýlatýy múmkin jalpy infliatsiialyq jaǵdailardy ósirip jiberedi. Soǵan qaramastan, kelesi jyly biz infliatsiianyń ishki faktorlarynyń áseri taýsylyp, syrtqy infliatsiialyq qysym álsireidi dep kútemiz»,-deidi Aqyljan Baimaǵambetov.
Osylaisha, Ulttyq bank infliatsiiany tómendetý traektoriiasynyń birtindep turaqtanýyn eskere otyryp, bazalyq mólsherlemeni 9% deńgeiinde saqtap qalý týraly sheshim qabyldady. Bazalyq mólsherlemeniń bul deńgeii infliatsiiany baqylaýdy saqtaýǵa jáne ony orta merzimdi perspektivada júieli tómendetýdi qamtamasyz etýge múmkindik beredi.
«Ulttyq bank syrtqy sektordaǵy jáne ishki ekonomikadaǵy jaǵdaidy muqiiat baqylap otyrǵanyn jáne infliatsiialyq faktorlar qysymynyń odan ári artýy jáne boljamdy baǵalaýlarmen salystyrǵanda dezinfliatsiianyń baiaýlaýy jaǵdaiynda daiyn ekendigin atap ótkim keledi», - deidi ol.
