Ulttyq bank «Báiterek» holdinginiń infraqurylymdyq obligatsiialaryn satyp alady. Bul týraly búgin Úkimet otyrysynda QR Ulttyq bank tóraǵasy Erbolat Dosaev aitty, dep habarlaidy QazAqparat.
Ulttyq bank daǵdarysqa qarsy sharalardyń ekinshi toptamasy aiasynda mynadai baǵyttar boiynsha jumys júrgizýde. Memleket basshysynyń biylǵy 31 naýryzdaǵy tapsyrmasyna sáikes «Qarapaiym zattar ekonomikasy» baǵdarlamasy aiasynda 1 jyldyq merzimmen kóktemgi egis jumystaryn júrgizýge 100 mlrd teńge bólinedi. Baǵdarlamaǵa qatysýshylardyń obligatsiialaryn óteý merzimi 7 jyldan 10 jylǵa deiin ulǵaitylady», - dedi UB tóraǵasy.
Onyń aitýynsha, daǵdarysqa qarsy sharalardyń ekinshi toptamasy aiasynda Ulttyq bank «Báiterek» UBH» AQ-nyń infraqurylymdyq obligatsiialaryn satyp alý arqyly 700 mlrd teńgege deiin keńeitý múmkindigimen 600 mlrd teńge somasyna iskerlik belsendilik jáne jumyspen qamtýdy qoldaý sharalaryn qarjylandyrý máselesin qarastyryp jatyr.
«Bul qarajat jergilikti atqarýshy organdardy odan ári qarjylandyrý úshin jumsalady jáne Jumyspen qamtý jol kartasyn iske asyrý úshin respýblikalyq biýdjetten transfertpen jergilikti biýdjetterge 300 mlrd teńge bólingennen keiin beriletin bolady», - dedi Erbolat Dosaev.
