Aqordada Prezident Nursultan Nazarbaevtyń qatysýymen úkimettiń keńeitilgen otyrysy ótip jatyr, - dep habarlaidy "Ult aqparat" kaz.tengrinews.kz portalyna silteme jasap.
Ulttyq bank basshysy Daniiar Aqyshev Prezidentke ekonomikanyń dedollarizatsiialanýy boiynsha baiandady.
"(...) Sanany dedollarizatsiialaý boiynsha da belgili bir qadamdar jasaldy. Máselen, baǵany teńgeden ózge valiýtada kórsetýge tyiym salyndy, internet-saittarda jyljymaityn múlikter men avtokólikter teńgemen kórsetilgen. Shetel valiýtasyn taýar men qyzmet kórsetýde qoldanýdy zań boiynsha joiýdy jalǵastyrý kerek, ásirese jarnamada", - dep málimdedi Aqyshev.
"Sóz sóilegen kezde, memlekettik organdarnyń aqparattarynda shetel valiýtasyn qaisybir ekvivalentinde qoldanýǵa tyiym salý kerek. Tek ulttyq valiýtada kórsetýge múmkindik bolmaityn kezde nemese elder arasyndaǵy salystyrýlarda shetel valiýtasyn qoldaný kerek. Sananyń dedollarizatsiiasynyń bir mysaly - Olimpiadadaǵy júldegerlerimizge sheteldik valiýtamen syiaqy berý, biz muny teńgemen de kórsete alar edik. Teńgemen ómir súrip, teńgemen oilaýǵa umtylý aqparattyq baǵyttyń biri bolýy tiis, biz muny Prezident ákimshiligimen jáne úkimetpen birge júzege asyrýymyz kerek", - dedi Ulttyq bank basshysy.
