Ulttyq bank «ABAI. 175 JYL» kollektsiialyq monetalaryn 1 qyrkúiekte saýdaǵa shyǵarmaq, dep habarlaidy banktiń baspasóz qyzmeti.
Baspasóz qyzmetiniń málimetterine qaraǵanda, nominaly 500 teńgelik kúmisten, nominaly 100 teńgelik melhior qospasynan jáne nominaly 100 teńgelik neizilber qospasynan jasalǵan «ABAI. 175 JYL» kollektsiialyq monetalary 2020 jylǵy 1 qyrkúiekten bastap satýǵa túsedi.
Monetalardy QR Ulttyq bankiniń barlyq aýmaqtyq filialdarynan satyp alýǵa bolady – olardyń mekenjailary saitta kórsetilgen. Kúmisten jáne melhior qospasynan jasalǵan monetalardy Ulttyq banktiń internet-dúkeni arqyly satyp alýǵa bolady.
«Esterińizge sala keteiik, QR Ulttyq banki atalǵan monetalardy 2020 jyldyń 10 tamyzynda ainalymǵa shyǵardy. Olardy shyǵarý aqyn jáne aǵartýshy Abai Qunanbaevtyń týǵanyna 175 jyl tolýyna orailastyryldy. Qazaqstan Respýblikasynda karantin rejiminiń uzartylýyna bailanysty monetalardy satý odan buryn keiinge qaldyrylǵan bolatyn», - delingenhabarlamada.
