QR Prezidenti Qasym-Jomart Toqaev Ulttyq bankti Nur-Sultanǵa kóshirý týraly Jarlyqqa qol qoidy, dep habarlaidy "Ult aqparat" zan.gov.kz portalyna silteme jasap.
***
«Qazaqstan Respýblikasynyń Prezidenti týraly» 1995 jylǵy 26 jeltoqsandaǵy Qazaqstan Respýblikasy Konstitýtsiialyq zańynyń 17-1-baby 2- tarmaǵynyń 1) tarmaqshasyna jáne 21-baby 2-tarmaǵynyń 1) tarmaqshasyna sáikes
QAÝLY ETEMIN:
1. Qazaqstan Respýblikasynyń Ulttyq Banki:
1) 2020 jylǵy 1 shildege deiin Qazaqstan Respýblikasy Ulttyq Bankiniń ortalyq apparatyn Almaty qalasynan Nur-Sultan qalasyna kóshirýdi qamtamasyz etsin;
2) osy Jarlyqtan týyndaityn ózge sharalardy qabyldasyn.
2. «Qazaqstan Respýblikasy Ulttyq Bankiniń erejesin jáne qurylymyn bekitý týraly» Qazaqstan Respýblikasy Prezidentiniń 2003 jylǵy 31 jeltoqsandaǵy № 1271 Jarlyǵyna (Qazaqstan Respýblikasynyń PÚAJ-y, 2004 j., № 50, 640-qujat) mynadai ózgeris engizilsin: joǵaryda atalǵan Jarlyqpen bekitilgen Qazaqstan Respýblikasynyń Ulttyq Banki týraly erejede: 9-tarmaq mynadai redaktsiiada jazylsyn: «9. Qazaqstan Ulttyq Banki ortalyq apparatynyń ornalasqan jeri: Qazaqstan Respýblikasy, Z05T8F6, Nur-Sultan qalasy, «Esil» aýdany, Máńgilik El dańǵyly, 57A ǵimaraty.».
3. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
4. Osy Jarlyqtyń 2020 jylǵy 1 shildeden bastap qoldanysqa engiziletin 2- tarmaǵyn qospaǵanda, osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń Prezidenti Q. Toqaev
