Jańa jyl qarsańynda, 31 jeltoqsan kúni Qazaqstan ulttyq arnasy «Jarnamasyz jańa jyl» aktsiiasyn bastaidy. Iaǵni, bir kún boiy ulttyq arna efirindegi baǵdarlamalar múldem jarnamasyz kórsetiletin bolady.
Mereke kúnderine orai, ulttyq arna óz kórermenderine qyzyqty shoý-baǵdarlamalar men arnaiy jobalar daiyndap otyr. Aita ketsek, kishkentai kórermender áigili «Walt Disney» kinokompaniiasynyń úzdik animatsiialyq filmderin tamashalai alady. 31 jeltoqsan kúni 11:15-te «Hanshaiym men Qurbaqa» kórsetilse, 1 qańtarda 11:45-te «Pingvinder bii», al, 2 qańtar kúni 13:20-da «Juldyzdy tóbet» jáne t.b animatsiialyq filmdermen tolyǵady. Bul animatsiialyq filmderdiń barlyǵy «Qazaqstan» korporatsiiasynyń kinokórsetilim jáne dýbliaj bóliminde aýdarylyp, dybystalǵan.
Sonymen qatar, 31 jeltoqsan kúni 14:25-te «Alataýym - altyn uiam» atty respýblikalyq aqyndar aitysynyń 1 bóliminiń tusaýkeseri bolmaq. Al, aitystyń jalǵasyn, 2 jáne 3 bólimderin 1 qańtarda 15:35-te jáne 2 qańtarda 14:40-ta kórýge bolady.
Ulttyq arna ázilsúier kórermenderine arnap 18:10-da «Qazaqstan» korporatsiiasynyń «Altyn qorynda» saqtalǵan «Tamasha» oiyn-saýyq teatrynyń arnaiy baǵdarlamasyn tartý etpek. Kórermen kózaiymyna ainalǵan baǵdarlamaǵa elimizdiń birtýar ártisteri - Qudaibergen Sultanbaev, Toqsyn Qulybekov, Meiirman Nurekeev jáne t. b qatysqan bolatyn.
Odan basqa, 19:45-te belgili ánshiler: Álisher Kárimov, Lýina jáne «Format» tobynyń qatysýymen «Ázil álemi» tok-shoýynyń jańa jyldyq shyǵarylymy kórermenge jol tartady.
Ulttyq arnanyń kórermenderine usynatyn eń basty syiy - «20.19 Basty arnadaǵy Jańa jyl» atty mýzykalyq shoý-baǵdarlamasy efirge 21:50-de jáne 00:00-de shyǵady. Merekelik shoýda qazaq estradasynyń tanymal ánshileri: Maqpal Júnisova, Bekbolat Tileýhan, Janar Doǵalova, Erke Esmahan, Qairat Túntekov, Zirýza, Ringo toby jáne t.b óz ónerlerin kórsetedi.
Al, «20.19 Basty arnadaǵy Jańa jyl» shoý-baǵdarlamasynyń bas qonaǵy álemge tanymal ánshi Dimash Qudaibergen bolmaq.
