Qazaq televiziiasynyń 60 jyldyǵy qarsańynda Ulttyq arna efirinde muraǵatta saqtalǵan telebaǵadarlamalar kórsetiledi. Bul týraly teleradiokorporatsiia basshysy Erlan Qarin óziniń feisbýk áleýmettik jelisindegi paraqshasynda jazdy.
"Qurmetti dostar! Qazaq televiziiasynyń 60 jyldyǵynyń qarsańynda Ulttyq arna efirinde muraǵatymyzda saqtalyp qalǵan, kezinde kórermenniń ystyq yqylasyna bólengen telebaǵdarlamalardy kórsetýdi jón kórdik. Qazaqtyń kórnekti tulǵalary televiziia arqyly ult bolmysynyń qalyptasýyna zor úles qosty dep aitsaq, artyq bolmas. Osy jeksenbi kúni, iaǵni 4 aqpanda 15:05-te kezinde osy teleradiokorporatsiianyń tóraǵasy bolǵan, Qazaqstannyń halyq jazýshysy Sherhan Murtazanyń 1993 jyly túsirilgen "Ult jáne sana" baǵdarlamasy efirge shyǵady. Taqyryby: "Rý qymbat pa, ult qymbat pa", baǵdarlamaǵa Ózbekáli Jánibekov pen Smaǵul Elýbai qatyskan. Al, sol kezde kóterilgen taqyryp áli kúnge deiin ózektiligin joiǵan joq", – dep jazdy E.Qarin.
Baǵdarlama taqyryby "Rý qymbat pa, ult qymbat pa" dep atalady jáne oǵan memleket qairatkeri, etnograf Ózbekáli Jánibekov pen jazýshy, dramatýrg Smaǵul Elýbai qatysqan.
