Fýtboldan Qazaqstan quramasy ÝEFA Ulttar ligasyndaǵy jańa maýsymnyń alǵashqy matchynda Ázerbaijandy jeńdi, - dep habarlaidy Tengrinews.kz.
Oiyn "Astana Arenada" ótti. Kezdesý 2:0 esebimen alań ieleriniń jeńisimen aiaqtaldy. Eki gol da úzilisten keiin soǵyldy. 50-minýtta Abat Aiymbetov alystan dál soqqy jasap, Qazaqstan alǵa shyqty. Araǵa týra on minýt salyp, Aiymbetov ekinshi golyn soqty.
Osylaisha, Qazaqstan quramasy úsh upai enshilep, 3-topta kósh bastady.
Endi Magomed Adiev shákirtteri syrt alańda eki match ótkizedi: 6 maýsymda Slovakiiamen, 10 maýsymda Belarýspen kúsh synasady.
