"Kez kelgen úkimettiń zańdylyǵy turaqtylyqty qamtamasyz etý jónindegi halyqaralyq mindettemelerin oryndaýda qoldanatyn tásilge bailanysty", - delingen "Úlken jetilik" basshylary málimdemesinde.
"Úlken jetilik" retinde usynatyn birinshi shart - "Taliban" 31 tamyzǵa deiin Aýǵanstannan ketkisi keletinderdiń qaýipsizdigin qamtamasyz etýge kepildik berýi kerek", - dedi Ulybritaniia premer-ministri Boris Djonson.
"Keibireýler mundai jaǵdaida shart jasaý durys emes ekenin aitýy múmkin. Al bireýler bul sharttyń maǵynasy tereńde ekenin kóredi, óitkeni tálipter shartty oryndasa, bizdiń taraptan ekonomikalyq, diplomatiialyq jáne saiasi jaǵynan qoldaý bolady", - dep qosty Djonson.
AQSh prezidenti Djo Baiden AQSh áskeri kúshteri men olardyń odaqtastarynyń Aýǵanstandaǵy missiiasy tálipter evakýatsiialanatyn adamdarǵa Kabýl áýejaiyna kirýine kedergi jasamasa, 31 tamyzda aiaqtalatynyn málimdedi. Baiden Pentagonǵa eger áskerdi shyǵarýdy keiinge qaldyrý qajet bolsa, tótenshe jaǵdailar josparyn daiyndaýdy tapsyrdy.
Sammitte "Úlken jetiliktiń" Aýǵanstan jónindegi saiasatyn basqa eldermen úilestirý týraly sheshim qabyldandy. Bul "úlken jiyrmalyq" tobyndaǵy yntymaqtastyq qurýdy kózdeidi, oǵan Resei men Qytai da kiredi.
Eýropalyq Odaq aýǵandardyń qajettilikterin qanaǵattandyrý úshin qarjylyq kómekti tórt ese arttyratynyn málimdedi.
"Biz Aýǵanstanǵa eldiń damýyna kómek retinde kelesi jeti jylǵa milliard eýro bóldik. Bul qarajat sharttardyń oryndalǵanyn dáleldemeiinshe, qatań kepildikter men senimdi is-áreketter bolmaiynsha jiberilmeidi", - dedi Eýropalyq komissiianyń basshysy Ýrsýla fon der Liaien.
