«Úlken jetilik» elderi braziliialyq qutqarýshylarǵa Amazoniia aýmaǵyndaǵy orman órtterin sóndirýde kómek qolyn sozýǵa ýádelesti, dep habarlaidy Euronews.com.
Frantsiia prezidenti Emmanýel Makron kóshbasshylar arasynda kelisim jasalyp qoiǵanyn, alaida áreketterdiń naqty baǵdarlamasyn ázirleý kerek ekenin málim etti.
Braziliialyq qutqarýshylar birneshe aptadan beri órtti sóndire almai jatyr, al órt oshaqtarynyń sany kún sanap artýda. Buǵan deiin jeti shtat tilsiz jaýdy óz betterinshe sóndire almaityndaryn moiyndap, áskeri qyzmetkerlerden kómek suraǵan. Nátijesinde braziliialyq bilik ókilderi birneshe batys elderiniń qysymymen órtti aýyzdyqtaýǵa 40 myńnan astam áskeri men áýe tehnikasyn jiberdi.
Qańtar aiynan beri Braziliiada 80 myńǵa jýyq órt tirkeldi. Bul – 2013 jyldan bergi eń joǵary kórsetkish. Alaida sońǵy kúnderi Angolada jáne Kongo Demokratiialyq Respýblikasynda jaǵdai áldeqaida ýshyǵyp tur. Ótken aptada jariialanǵan spýtniktik málimetterge sáikes, eki táýlikte Braziliiada 2 myńnan astam, KDR-da 3 myńnan astam, Angolada 7 myńǵa jýyq orman órtteri tirkelgen.
