Sadaq atýdan I Halyqaralyq týrnir Mońǵoliia astanasy Ulan-Batyr qalasynda uiymdastyryldy, dep habarlaidy "Ult aqparat".
QR Ulttyq sport qaýymdastyǵy habarlaǵandai, qyrkúiektiń 5-9 kúnderi ótken bul jarysta 27 memleketten alpysqa jýyq mergen baq synady.
Mergendik saiysynan Mońǵoliiada uiymdastyrylǵan I Halyqaralyq týrnir «Aziia stili», «Korei stili», «Eýropa stili» jáne Mońǵoliia dástúrli sadaq atý stili boiynsha ótti. Qarshadai balasynan qajyrly qariiasyna deiin ulttyq sadaq atýdy ejelden mashyq qylǵan Monǵoliia eliniń mergenderi óz astanalarynda ótken I Halyqaralyq týrnirdiń júldeli oryndaryn talassyz ielendi.
Tipti, at ústinen sadaq atýdan álem chempionatynyń birneshe dúrkin jeńimpazy, majarstandyq áigili mergen Kristof Arpattyń ózine bul týrnirde tórtinshi oryndy qanaǵat tutýǵa týra keldi.
Monǵoliia memleketi uiymdastyrǵan I Halyqaralyq týrnirge qatysýshy 27 memleket qatarynda AQSh, Saýd Arabiiasy, Qytai, Resei, Germaniia, Kanada, Tailand, Aýstraliia, Finliandiia siiaqty dástúrli sadaq atý sporty damyǵan elder bar.
Bul jarysqa bizdiń elden halyqaralyq jarystardyń júldegeri, jýyrda at ústinen sadaq atýdan Ońtústik Koreiada ótken HV Álem chempionatynda júldeger atanǵan surmergen Eldos Badashev qatysyp qaitty.
Eske salyp óteiik, biyl bizdiń dástúrli sadaq atýshy sportshylarymyz Majarstanda ótken Álem kýbogynda, Ońtústik Koreiada ótken Álem chempionatynda, Túrkiiada ótken dúniejúzilik jarysta baq synady.
