Qazaqstan qorǵanys vedomstvosynyń basshysy general-leitenant Murat Bektanov Dýshanbe qalasynda ótken Ujymdyq qaýipsizdik týraly shart uiymy Syrtqy ister ministrleri keńesiniń, Qorǵanys ministrleri keńesiniń jáne Qaýipsizdik keńesi hatshylary komitetiniń birlesken otyrysyna qatysty. Bul týraly Qorǵanys ministrliginiń baspasóz qyzmeti habarlady.
Oǵan qatysýshylar uiym qyzmetiniń basym baǵyttaryn, ujymdyq qaýipsizdikke kiretin óńirlerde qalyptasyp jatqan áskeri-saiasi ahýaldy talqylady.
Birlesken jaýyngerlik daiarlyq sharalarynyń mańyzy erekshe ataldy.
Elimizdiń Qarýly Kúshterinde 2022 jylǵa jedel den qoiý ujymdyq kúshteriniń birlesken oqý-jattyǵýlaryn uiymdastyrý jáne olardy ótkizý jóninde jumys bastaldy. Bul rette jaýyngerlik is-qimyldardy júrgizýdiń jańa ádisteri men tásilderi pysyqtalmaq. Sońǵy kezdegi qarýly qaqtyǵystar tájiribesinen alynǵan sabaqtar oqý-jattyǵý stsenariilerinde eskerilýi tiis.
Birlesken otyrystyń qorytyndysynda ministrler uiymnyń qyzmetine qatysty birqatar qujattarǵa qol qoidy.
