UQShU Birikken shtaby bastyǵynyń orynbasary, aviatsiia general-maiory Turaly Qoishyqulov Qazaqstanda bolǵan oqiǵany birlesip taldaý josparda bar ekenin aitty, dep habarlaidy QazAqparat.
«Ujymdyq qaýipsizdik týraly shart uiymynyń birikken shtaby daǵdarystyń alǵashqy minýttarynan bastap bul uiymǵa múshe memleketter qorǵanys vedomstvolarynyń qyzmetin úilestirý maqsatynda kúsheitilgen rejimde jumys istedi.
Birikken shtabtyń basty mindeti Qazaqstan Respýblikasynyń aýmaǵynda uiymnyń Ujymdyq bitimgershilik kúshterin qurý, qaita toptastyrý jáne óristetý, sondai-aq bitimgershilik operatsiialardy daiyndap, olardy ótkizý jónindegi qarýly kúshter bas shtabtarynyń ózara is-qimylyn uiymdastyrý boldy», - degen UQShU ókili birikken shtab elde bolǵan tártipsizdikterge taldaý júrgizetinin aitty.
«Qazirgi ýaqytta bolǵan oqiǵalarǵa taldaý júrgizip jatyrmyz. UQShU-nyń daǵdarystyq jaǵdailarǵa den qoiý tetikterin jetildirý, Daǵdarysqa den qoiý ortalyǵynyń qyzmeti, Uiym áskerlerin (ujymdyq kúshterin) materialdyq-tehnikalyq jáne meditsinalyq qamtamasyz etý júiesiniń, sondai-aq Uiymnyń qyzmetin aqparattyq qamtamasyz etýdiń joldary josparlandy. Bolashaqta UQShU-ǵa múshe memleketterdiń qorǵanys vedomstvolarymen bizdiń birlesken qyzmetimiz boiynsha tujyrymdar men usynymdar jasalady», - dedi Turaly Qoishyqulov.
