UQShU-ǵa múshe elder terroristik shabýyl kezinde Qazaqstanǵa der kezinde qoldaý men kómek kórsetti. QR Qorǵanys ministrligi Halyqaralyq yntymaqtastyq departamentiniń bastyǵy Oljas Qusaiynov ortalyq kommýnikatsiialar qyzmetinde ótken brifingide osyndai pikir bildirdi, dep habarlaidy QazAqparat.
«Qazaqstanda UQShU-nyń bitimgershilik áleýetin óristetý der kezinde jáne tiimdi boldy. Is júzinde vedomstvoaralyq jáne memleketaralyq ózara is-qimyl jáne uiym ishindegi úilestirý tetikteri pysyqtaldy.
Memleket basshysy uiymnyń jaqsy tájiribe jinaqtap, bedeldi áskeri-saiasi uiym retinde óziniń tiimdiligin kórsetkenin atap ótti. Is júzinde bolǵan oqiǵalar UQShU-nyń damýyndaǵy sheshýshi kezeń bolyp, qýatty halyqaralyq institýt retinde jańa sipat aldy.
Uiymǵa múshe elder terroristik shabýyl kezinde Qazaqstanǵa der kezinde qoldaý men kómek kórsetti», -dedi ministrlik mamany.
Sondai-aq, ol Qazaqstan Qorǵanys ministrliginiń atynan Armeniia, Belarýs, Qyrǵyzstan, Resei jáne Tájikstan syndy uiymǵa múshe memleketterdiń qorǵanys vedomstvolaryna moraldyq turǵyda qoldaǵany, tikelei jáne jedel áskeri kómek kórsetkeni úshin alǵys bildirdi.
«Bul operatsiia kópjyldyq yntymaqtastyq barysynda jasalǵan tetikterdi is júzinde qoldanýdyń mysaly ǵana emes, sonymen birge odaqtas memleketterdiń jaýyngerlik baýyrlastyǵy men rýhynyń naqty dáleli retinde uiymnyń tarihyna enetini sózsiz», - dedi Oljas Qusaiynov.
