Tájikstandaǵy resmi sapary barysynda QR Qorǵanys ministri Nurlan Ermekbaev «Myzǵymas baýyrlastyq - 2019» UQShU bitimgerlik kúshteri oqý-jattyǵýynyń belsendi fazasy ótip jatqan Dýshanbe qalasynan 170 shaqyrymda ornalasqan «Harb-Maidon» poligonyna bardy, dep habarlaidy "Ult aqparat" atalmysh vedomostvonyń baspasóz qyzmetine silteme jasap.
N. Ermekbaev bólimshelerdiń úilesimdiligine, áskeri qyzmetshilerdiń kásibi biliktilikterine baǵa berdi.
Oqý-jattyǵýdyń stsenariii boiynsha uiymdastyrylǵan bandylyq toptar Aýǵanstan jaǵynan Tájikstan shekarasyn jaryp ótip, respýblikanyń shekara otriadtarymen urysty bastady. UQShU Ujymdyq bitimgershilik kúshteri halyqaralyq terrorizmge qarsy kúres jáne Ortalyq Aziia strategiialyq baǵytynda qaýipsizdikti qamtamasyz etý boiynsha birlesken operatsiiany tabysty ótkizdi.
Oqý-jattyǵýdyń sońǵy kezeńinde bitimgerlerdiń qyzmetine qatysty: aimaqty kúzetý, ótkizý-baqylaý pýnkterindegi qyzmetti uiymdastyrý, kolonnalarǵa ilesip júrý kezinde jeke quramnyń is-áreketi, eldi mekendi buǵattaý jáne basqada tikelei qyzmetterine qatysty jaittardy qamtityn beibitshilikti saqtaý boiynsha máseleler qaraldy.
Qazaqstannan praktikalyq is-áreketterde Birlesken bitimgerlik kúshterdiń quramynda Qurlyq áskerleriniń bólimsheleri, onyń ishinde bitimgerlik rotasy, sonymen qatar Áýe qorǵanys kúshterinen – Sý-30 SM joiǵyshtar bólimi qatysty. Áskeri aviatsiia oqý-jaýyngerlik mindetterin ornalasý áýeailaǵynan oryndady.
«Myzǵymas baýyrlastyq - 2019» oqý-jattyǵýy Ortalyq Aziiadaǵy beibitshilik baǵytyndaǵy UQShU memleketteri oqý - jattyǵýlarynyń quramdy bóligi retinde esepteledi. Sonymen qatar, onyń taǵy da bir ereksheligi uiymnyń Armeniia, Belarýs, Qazaqstan, Qyrǵyzstan, Resei men Tájikstan syndy alty memleketiń áskeri kontingentteriniń ujymdyq birlesken is-áreketi.
Tájikstanǵa sapardyń mańyzdy bóligi Tájik-Aýǵan shekarasyn qorǵaý boiynsha qyzmet atqarý kezinde qaza tapqan qazaqstandyq jaýyngerlerge arnalǵan memorialǵa baryp, batyrlardy eske alý qurmetine gúl shoqtaryn qoiý boldy.
Budan basqa, ministr TR Qorǵanys ministrliginiń Áskeri institýty men Kohi Navrýz Tarihi saraiyn aralady.
