Foto ©REUTERS
Qorǵanys ministrliginiń Halyqaralyq yntymaqtastyq departamenti basshysy Oljas Qusaiynov UQShU áskerlerin Qazaqstannan shyǵarý tolyq aiaqtalǵanyn aitty, - dep habarlaidy Tengrinews.kz tilshisi.
Ol birlesken bitimgershilik kontingenti Ujymdyq qaýipsizdik týraly sharttyń 2 jáne 4-baptaryna sáikes seriktesterge kómek surap júginý negizinde eldegi jaǵdaidy turaqtandyrý úshin Qazaqstanǵa ornalastyrylǵanyn eske saldy.
"Búgin UQShU Ujymdyq bitimgershilik kúshterin Qazaqstan aýmaǵynan shyǵarý aiaqtaldy. Jeke quram men tehnika tielgen sońǵy áýe kemeleri Almatydan ushyp ketti. Qazirgi ýaqytta Qazaqstan aýmaǵynda shet memleketterdiń áskeri qyzmetshileri joq. UQShU Birikken bitimgershilik kontingentin elden kezeń-kezeńimen shyǵarý Qazaqstan Prezidenti Qarýly Kúshterdiń Joǵarǵy bas qolbasshysy Qasym-Jomart Toqaevtyń 2022 jylǵy 13 qańtardan bastap belgilegen merzimine sáikes júzege asyryldy", - dedi Qusaiynov.
