Túrkiia úkimeti BUU-men birneshe apta boiy Resei men Ýkraina arasyndaǵy kelisimge deldal bolý úshin jumys istep jatyr.
Ystambuldaǵy kelissózder aiaqtalǵannan keiin Gýterrish BUU-nyń shtab-páterinde: "Jahandyq daǵdarystarǵa toly álemde búgin úmit nury paida boldy", - dedi.
Biraq ol Resei men Ýkraina arasynda áli resmi kelisimge qol qoiylmaǵanyn basa aitty.
BUU basshysy Ystambuldaǵy kelissózderge BUU atynan gýmanitarlyq departament basshysy Martin Griffits pen BUU saýda jáne damý agenttiginiń basshysy Rebeka Grinspan qatysqanyn aitty.
"Soǵystyń basynan bastap men ýkrainalyq azyq-túlik pen reseilik azyq-túlik jáne tyńaitqyshtardyń álemdik naryqta tolyq qoljetimdi bolýynyń mańyzdylyǵyn atap óttim. Óitkeni, barlyq tarap maqsaty tek Resei Federatsiiasy men Ýkraina arasyndaǵy kelisim ǵana emes, sonymen qatar búkil álemge arnalǵan kelisim", - dedi BUU basshysy.
Bas hatshy jýrnalister suraǵyna jaýap bere otyryp, Ystambuldaǵy birinshi kezdesý jaqyn arada, múmkin kelesi aptada taǵy bir kezdesýge ulasady dep úmittenetinin aitty.
Resei men Ýkraina arasyndaǵy shaiqastardy toqtatý úshin beibit kelisimge kelýdiń múmkindikteri týraly suraqqa Gýterrish sársenbidegi oqiǵalar óte jigerlendiretin belgi bolǵanymen, áli "jol uzaq" dedi.
Reuters buǵan deiin Ýkraina "Jibek joly" júk kemesin ustap, qamaýǵa alýdy surap Túrkiiaǵa júgingenin jazdy. Ol Resei basyp alǵan Berdiansk portynan eksporttalatyn Ýkraina astyǵyn Resei týy astynda tasymaldaǵan.
"Qazaqstan temirjoly" astyq satý jónindegi mámile estoniialyq Mangelbert OU kompaniiasy men túrik tarapy arasynda jasalǵanyn túsindirdi. Eýropada tirkelgen kompaniia satýshy mámileniń zańdylyǵyn málimdeidi.
