Ýkrainanyń Chýgýev qalasynda jergilikti turǵyndarǵa tegin palaý taratyp júrgen Ózbekstannyń 36 jastaǵy týmasy Sardor Hakimov zymyran soqqysynan qaza tapty. Bul týraly ýkrainalyq BAQ málimdedi, - dep habarlaidy Massaget.kz portaly Gazeta.uz saityna silteme jasap.
"Ony barlyq Chýgýev turǵyny tanityn. Bári Sardor Hakimov sońyna deiin bizben birge bolady dep úmittendi. Ol bizdiń jadymyzda saqtalady. Meiirimdi, kúlimsirep júretin, janashyr, árqashan kómektesýge daiyn adam bolatyn. Onyń erekshe dámdi palaýy men sorpasyn umytý múmkin emes", - dep jazdy volonterlar.
Basylym málimetinshe, Sardor Hakimov atqylaý kezinde jertólede palaý ázirlep jatqan.
Marqumnyń inisi Mansýr Hakimov 2002 jyly Lýgansk oblysyna oqýǵa kelgenin, eki jyldan keiin aǵasyn jumysqa shaqyrǵanyn aitady. Osy jyldar ishinde Mansur dúkende jumys istegen, al Sardor aspaz bolǵan. Olardyń Ýkrainada jumys istep jatqandaryna 20 jylǵa jýyqtaǵan.
"Lýgansk pen Chýgýev halqy bizge jaqsy qarady. Olar bizge eshqashan jaqyndap: "Sen ózbeksiń, týǵan jerińe qait" dep aitqan emes", - dedi Mansýr Hakimov.
Soǵys bastalǵannan keiin aǵaiyndylar otbasyn Ózbekstanǵa jiberip, ózderi qaiyrymdylyqpen ainalysý úshin Chýgýevte qalǵan. Soǵys bastalǵaly beri olar óz qarajattarynan tegin palaý jasap turǵyndarǵa tegin taratqan.
