ۋكراينانىڭ چۋگۋەۆ قالاسىندا جەرگٸلٸكتٸ تۇرعىندارعا تەگٸن پالاۋ تاراتىپ جٷرگەن ٶزبەكستاننىڭ 36 جاستاعى تۋماسى ساردور حاكيموۆ زىمىران سوققىسىنان قازا تاپتى. بۇل تۋرالى ۋكراينالىق باق مەلٸمدەدٸ, - دەپ حابارلايدى Massaget.kz پورتالى Gazeta.uz سايتىنا سٸلتەمە جاساپ.
"ونى بارلىق چۋگۋەۆ تۇرعىنى تانيتىن. بەرٸ ساردور حاكيموۆ سوڭىنا دەيٸن بٸزبەن بٸرگە بولادى دەپ ٷمٸتتەندٸ. ول بٸزدٸڭ جادىمىزدا ساقتالادى. مەيٸرٸمدٸ, كٷلٸمسٸرەپ جٷرەتٸن, جاناشىر, ەرقاشان كٶمەكتەسۋگە دايىن ادام بولاتىن. ونىڭ ەرەكشە دەمدٸ پالاۋى مەن سورپاسىن ۇمىتۋ مٷمكٸن ەمەس", - دەپ جازدى ۆولونتەرلار.
باسىلىم مەلٸمەتٸنشە, ساردور حاكيموۆ اتقىلاۋ كەزٸندە جەرتٶلەدە پالاۋ ەزٸرلەپ جاتقان.
مارقۇمنىڭ ٸنٸسٸ مانسۋر حاكيموۆ 2002 جىلى لۋگانسك وبلىسىنا وقۋعا كەلگەنٸن, ەكٸ جىلدان كەيٸن اعاسىن جۇمىسقا شاقىرعانىن ايتادى. وسى جىلدار ٸشٸندە مانسۇر دٷكەندە جۇمىس ٸستەگەن, ال ساردور اسپاز بولعان. ولاردىڭ ۋكراينادا جۇمىس ٸستەپ جاتقاندارىنا 20 جىلعا جۋىقتاعان.
"لۋگانسك پەن چۋگۋەۆ حالقى بٸزگە جاقسى قارادى. ولار بٸزگە ەشقاشان جاقىنداپ: "سەن ٶزبەكسٸڭ, تۋعان جەرٸڭە قايت" دەپ ايتقان ەمەس", - دەدٸ مانسۋر حاكيموۆ.
سوعىس باستالعاننان كەيٸن اعايىندىلار وتباسىن ٶزبەكستانعا جٸبەرٸپ, ٶزدەرٸ قايىرىمدىلىقپەن اينالىسۋ ٷشٸن چۋگۋەۆتە قالعان. سوعىس باستالعالى بەرٸ ولار ٶز قاراجاتتارىنان تەگٸن پالاۋ جاساپ تۇرعىندارعا تەگٸن تاراتقان.
