Ýkrainanyń Vinnitsa oblysynyń 47 jastaǵy turǵyny koronavirýsqa qarsy Pfizer vaktsinasyn saldyrǵannan keiin birneshe saǵat ótken soń qaitys boldy. Bul týraly Densaýlyq saqtaý ministrliginiń baspasóz qyzmeti málimdedi, - dep habarlaidy Tengrinews.kz agenttigi RIA Novosti portalyna silteme jasap.
Vinnitsa oblysy Densaýlyq saqtaý departamentiniń málimetinshe, er adam koronavirýsqa qarsy Comirnaty/Pfizer-BioNTech vaktsinasyn saldyrǵan. Birneshe saǵattan keiin onyń júregi ainyp, talyp qalǵan.
"Jedel meditsinalyq kómek shaqyrylyp, reanimatsiialyq sharalar júrgizildi. Ókinishke qarai, biraz ýaqyttan keiin dárigerler er adamnyń qaitys bolǵanyn tirkedi", - dedi Densaýlyq saqtaý ministrligindegiler.
Vaktsinadan keiingi birinshi saǵatta er adamda preparatqa jaǵymsyz reaktsiialar baiqalmaǵany habarlandy.
"Qaitys bolǵan adammen bir qutydan ekpe alǵan bes adamnyń jaǵdaiy qanaǵattanarlyq", - dedi ministrlik ókilderi.
Vedomstvodaǵylar qazir oqiǵanyń mán-jaiyn anyqtap jatyr.
Buǵan deiin Almaty oblysynda dáriger vaktsina alyp, eki kún ótken soń úiinde qulap, qaitys bolǵan edi. Aldyn ala málimetter boiynsha, ólim sebebi júrektiń ishemiialyq aýrýy bolǵan. Sot-meditsinalyq saraptama júrip jatyr. Almatyda osy derekti tergeý boiynsha úlken komissiia qurylǵan.
