Bilim berý mekemeleri jáne memlekettik organdar ókilderinen turatyn konkýrs komissiiasy otyrysynyń nátijesi boiynsha 18 adam Ýkrainadaǵy JOO-larǵa oqýǵa túsýge usynyldy, dep habarlaidy "Ult aqparat" QR BǴM saityna silteme jasap.
«QR Bilim jáne ǵylym ministrligi men Ýkrainanyń Bilim jáne ǵylym ministrliginiń arasyndaǵy 2010 jylǵy 10 qyrkúiektegi Bilim jáne ǵylym salasyndaǵy yntymaqtastyq týraly kelisim sheńberinde 2020-2021 oqý jylyna Ýkraina úkimeti Qazaqstan azamattary úshin 40 bilim grantyn bóldi.
Bilim berý mekemeleri jáne memlekettik organdar ókilderinen turatyn Konkýrstyq komissiia otyrysynyń nátijesi boiynsha 18 adam oqýǵa túsýge usynyldy. Oqý grantyn taǵaiyndaý týraly sońǵy sheshimdi Ýkraina taraby qabyldaidy», delingen habarlamada.
Aitar keetrligi, Ýkrainanyń memlekettik biýdjeti qarajatynyń esebinen oqýǵa usynylǵan úmitkerler 2020 jylǵy 25 tamyz jáne 1 qyrkúiek aralyǵynda Ýkrainanyń joǵary oqý oryndaryna kelip, qajetti qujattardy qaǵaz nusqada tiisti bólimge nemese qabyldaý komissiiasyna tapsyrýy kerek.
Oqýǵa túsýge negiz bolatyn, buryn alǵan bilimi (bilimi jáne biliktiligi) týraly qujat (túpnusqasy men onyń kóshirmesi); oqýǵa túsýge negiz bolatyn, buryn alǵan bilimi (bilimi jáne biliktiligi) týraly qujatqa qosymsha (túpnusqasy men onyń kóshirmesi); pasporttyń kóshirmesi; meditsinalyq saqtandyrý polisi; 4 fotosýret.
Alǵashqy úsh qujat ýkrain tiline aýdarylyp, notarialdy kýálandyrylýy tiis.
Atalǵan qujattar resmi kýálandyrylyp, Qazaqstan Respýblikasyndaǵy Ýkraina Elshiligimen zańdastyrylýy tiis.
Sonymen qatar, úmitkerler ambýlatorlyq jáne statsionarlyq meditsinalyq qyzmet kórsetýdi kózdeitin meditsinalyq saqtandyrýdy alýy qajet.
