© AFP 2022 / SERGEI SUPINSKY
Kiev 48 saǵattyń ishinde Resei jáne Vena qujatyna qatysýshy-memlekettermen kezdesý ótkizýge suraý saldy.
Bul týraly Ýkrainanyń syrtqy ister ministri Dmitrii Kýleba málimdedi. Osydan úsh kún buryn resmi Kiev irgeles aimaqtardaǵy áskeri áreketter boiynsha Máskeýden túsinikteme berýge suraý salǵan, dep jazady Sputnik.
Sol kezde Kýleba Vena qujatynyń 16.1.2 baby negizinde Reseige 48 saǵat beriledi degen.
"Resei bizdiń Vena qujaty boiynsha salǵan suraýymyzǵa jaýap bermedi. Endi, biz kelesi sheshimdi qabyldadyq. Ýkraina ýaqytsha okkýpatsiialanǵan Qyrym men bizdiń shekaramyzdyń boiymen RF áskeriniń qozǵalysyn talqylaý maqsatynda 48 saǵattyń ishinde Reseimen jáne Vena qujatyna qatysýshy-memlekettermen kezdesý ótkizýge suraý salyp otyr", - dep jazdy ministr óziniń Twitter paraqshasynda.
Aita keteri, sońǵy birneshe ai boiy AQSh pen Eýropa Máskeýdi Ýkrainadaǵy jaǵdai úshin aiyptap, áskerin shekaradan shalǵai jerge áketýdi talap etip keledi. Resei áskerdiń óz territoriiasynda jáne qaýipsizdik maqsatynda ǵana júrgenin málimdedi.
Dmitrii Peskovtyń aitýynsha, Máskeý NATO áskeriniń reseilik shekaraǵa jaqyn jerde kóbeiip jatqanyna alańdaýshylyq bildirip otyr.
