sýret ashyq derekkózden alyndy
Resei áskeri Ýkrainanyń Lýgansk oblysyna áskeri tehnikasy men rezervin tartyp, 15 aqpannan keiin shabýylǵa shyǵýǵa daiyndalyp jatyr. Bul aqparatty "Belsat" telearnasynyń efirinde Lýgansk oblystyq áskeri ákimshiliginiń basshysy Sergei Gaidai aitty, dep habarlaidy Azattyq.
Onyń sózinshe, Ýkrainanyń Lýgansk jáne Donetsk oblystarynda Resei áskeri tehnikalary jyljyǵany baiqalǵan. Sondai-aq Resei áskeri Lýgansk oblysyna rezervterin tartyp, snariadtaryn únemdei bastaǵan.
Financial Times basylymynyń jazýyna qaraǵanda, Lýgansk oblysynyń batysyndaǵy Kremennaia jáne Liman qalalaryna shabýyl bastalýy múmkin. Bul qalalardy Resei áskeri buryn da basyp alǵan, biraq Ýkraina áskeri qarsy shabýyl jasap, qaitarǵan.
4 aqpanda Ýkraina bas shtaby Kremennaia aýdanynda Resei áskeriniń shabýylyna toitarys bergenin habarlaǵan. Máskeý bul aqparattarǵa túsinik bergen emes. Reseishil aqparat kózderi "bul aýdanda Resei áskeri emes, Ýkraina áskeri shabýylǵa daiyndalyp jatyr" deidi.
5 aqpanda Ýkraina prezidenti Vladimir Zelenskii Resei áskeri aqpanda "burynǵy jeńilisteriniń esesin qaitarýǵa tyrysatynyn" aitqan. Sol kúni Ýkraina qorǵanys ministri Aleksei Reznikov Resei áskeri 24 aqpanda jańa shabýyl bastaýy múmkin dep málimdegen.
Copyright (c) 2013. RFE/RL, Inc. Reprinted with the permission of Radio Free Europe/Radio Liberty, 1201 Connecticut Ave., N.W. Washington DC 20036.
