Kievtegi áskeri parad. 18 tamyz 2021 jyl.
Resei Ýkrainamen shekaraǵa qosymsha ásker men áskeri tehnika ákeldi degen aqparat rastalmady. Ýkraina qorǵanys ministrliginiń bas barlaý basqarmasy 1 qarasha kúni osylai dep málimdedi.
31 qazanda Resei tarabynyń Ýkrainamen shekaraǵa qosymsha ásker tartyp, tehnika ákelip jatqany týraly aqparat taraǵan. Bul jóninde Washington Post basylymy da jazǵan.
Amerikalyq basylym maqalada AQSh pen EO ázirge resmi málimdeme jasamady, alaida olardyń ókilderi ony sáýir aiyndaǵy jaǵdaimen salystyrdy dep jazady. Sáýir aiynda Vashington Reseidiń Ýkrainamen shekaraǵa jáne anneksiialanǵan Qyrymǵa ásker tartýyna bailanysty kádimgidei alańdaýshylyq bildirgen.
Kievtiń pikirinshe, Reseidiń shekarada qarýly kúshterin kóbeitkeni jaily málimet – arnaiy aqparattyq-psihologiialyq shabýyldyń bir bóligi.
