Rýdnyi qalasynda qarý jasaityn sheberhana uiymdastyrǵandar sottaldy, dep habarlaidy "Ult aqparat" UQK baspasóz qyzmetine silteme jasap.
«29 tamyzda Qostanai oblysynyń Rýdnyi qalalyq soty sýyq qarýǵa jatpaityn nusqalardy jaýyngerlik túrine qaita ózgertetin jasyryn shaǵyn sheberhana uiymdastyrǵan D. Basakin men A. Steninge atys qarýy men jarylǵysh zattardy zańsyz saýdalaǵany úshin úkim shyǵardy.
Sottalýshylar QR QK-niń 287-baby (qarýdy, oq-dárilerdi, JZ jáne JQ-ny zańsyz satyp alý, berý, ótkizý, tasymaldaý nemese alyp júrý) jáne 291-baby (qarýdy, oq-dárilerdi, JZ jáne JQ-ny urlaý nemese qorqytyp alý) boiynsha qylmys jasaǵany úshin kináli dep tanylyp, ártúrli merzimge sottaldy.
Qazirgi tańda figýranttardyń biri izdestirilýde.
Esterińizge sala keteiik, 2019 jyldyń sáýirinde QR UQK Qostanai oblysy boiynsha departamentiniń qyzmetkerleri joǵaryda kórsetilgen adamdardy salmaǵy 2 kg «ammonit» jarylǵysh zatyn, sondai-aq jaýyngerlik tapanshany ótkizý kezinde ustaý boiynsha operatsiia júrgizgen bolatyn.
