QR UQK Nur-Sultan qalasy boiynsha departamenti etnostyq qylmystyq toptyń quqyqqa qarsy is-áreketiniń jolyn kesti. Bul týraly "Ult aqparat" Komitettiń baspasóz qyzmetine silteme jasap habarlaidy.
Qylmystyq top biznes-orta ókilderiniń ómiri men densaýlyǵyna ziian keltirý qateri arqyly aqsha qarajattaryn júieli túrde bopsalaýmen ainalysqan.
Aǵymdaǵy jyldyń 10 qyrkúieginde elordada arnaiy operatsiia ótkizilip, atalǵan qylmystyq toptyń jetekshisi men músheleri kásipkerden jalǵan qaryzyn qaitarý úshin «Toyota» markaly avtokóligin qorqytyp alý kezinde ustalǵan.
Figýranttardy ustaý barysynda 11 oq-dárisi bar «Makarov» tapanshasy jáne 5 oq-dárisi bar travmatikalyq tapansha tabyldy.
Ustalǵandar Nur-Sultan qalasynyń PD ýaqytsha ustaý izoliatoryna qamaldy, sotqa deiingi tergeý júrgizilýde.
