QR Ulttyq qaýipsizdik komitetiniń ókilderi esirtki tasymalyn uiymdastyrýshyny ustady, dep habarlaidy "Ult aqparat" komitettiń málimetterine silteme jasap.
Komitet taratqan aqparattarǵa qaraǵanda, B.Ismailov atty azamatty esirtki zattaryn jetkizýdi uiymdastyrýǵa qatysy bar degen kúdikpen QR Ulttyq qaýipsizdik komiteti Aqtóbe oblysy boiynsha departamentiniń qyzmetkerleri ustaǵan.
Júrgizilgen jedel izdestirý is-sharalary nátijesinde Taraz qalasynyń turǵyny B.Ismailovtyń «gashish» esirtkisin iri kólemde saýdalaý maqsatynda Aqtóbe qalasyna jetkizbek bolǵany anyqtaldy.
2019 jyldyń 9-sha qazanynda atalǵan tulǵanyń qylmystyq is-áreketiniń jolyn kesý maqsatynda B.Ismailovty ustaý sharasy júzege asyryldy jáne odan 2,3 kg gashish tabyldy.
«2020 jyly 16 qańtarda Aqtóbe oblysynyń qylmystyq-ister boiynsha mamandyrylǵan aýdanaralyq sotynyń úkimimen B.Ismailov QR QK 297 t. 3 b. boiynsha kináli dep tanyldy. Ol 13 jylǵa bas bostandyǵynan aiyrylyp, jazasyn qatań rejimdi túzeý mekemesinde óteitin bolady», - delingen habarlamada.
