Ulttyq qaýipsizdik komitetiniń burynǵy tóraǵasy Nurtai Abyqaev senat tóraǵasy Qasym-Jomart Toqaevtyń jaqynda sheteldik telearnaǵa bergen suhbatynda Nursultan Nazarbaev týraly aitqan sózine qatysty pikir aitty, dep habarlaidy Spunik Qazaqstan.
Qasym-Jomart Toqaev ulybritaniialyq telearnaǵa bergen suhbatynda Nursultan Nazarbaevtyń 2020 jyly sailaýǵa qatyspaýy múmkin ekenin málim etken edi.
"Ol óziniń pikirin aitty. Meniń oiymsha, sheshimdi bizdiń prezidentimiz ózi qabyldaidy. Ol kezinde "eger halyq qoldasa jáne qoiylǵan mindetterdi oryndaý úshin tiisti komanda bolsa, ári qarai jumys jasaimyz" dep aitqan edi", — dedi Abyqaev.
Aita keteiik, Nurtai Abyqaev Jibek joly elderiniń qala merleri forýmynyń plenarlyq otyrysynda spikerlerdiń biri boldy.
Esterińizge sala ketsek, Qasym-Jomart Toqaev memleket basshysy Nursultan Nazarbaev eki jyldan keiin prezidenttik sailaýǵa qatyspaidy degen pikir bildirgen edi. Keiin ol buqaralyq aqparat quraldarynyń ókilderinen óziniń aitqan sózi týraly "qara aspandy tóndirmeýdi" suraǵan edi.
Toqaevtyń sózine qatysty Aqparat ministri Dáýren Abaev, Mádeniet jáne sport ministri Arystanbek Muhamediuly, sondai-aq Syrtqy ister ministri Qairat Ábdirahmanov ta pikir bildirgen bolatyn.
