Ulttyq qaýipsizdik komitetiniń qyzmetkerleri qarý satqan qylmystyq toptyń múshelerin ustady. Olardyń qatarynda shet el azamattary bolǵan, dep habarlaidy "Ult aqparat" komitettiń baspasóz qyzmetine silteme jasap.
QR UQK Jambyl oblysy boiynsha departamenti atys qarýy men oq-dárini zańsyz satýmen ainalysqan shetel azamattarynan turatyn toptyń zańǵa qaishy is-áreketiniń jolyn kesken.
«Biyl 25 shildede QR UQK 4-qyzmetiniń 5-departamenti jáne QR UQK Pavlodar oblysy boiynsha departamentimen birlesip arnaiy operatsiia ótkizip, onyń barysynda Almaty jáne Pavlodar qalalarynda «M» jáne «P» isi boiynsha ótetin tulǵalar ustaldy.
Zańsyz ainalymnan 7 «Kalashnikov» avtomaty jáne 2 «Makarov» tapanshasy, sondai-aq túrli kalibrli oq-dáriler alyndy», delingen habarlamada.
Qazir, ustalǵandar Taraz qalasyna jetkizildi, sotqa deiingi tergeý júrgizilýde.
